বৰপেটা,21 ডিচেম্বৰ: সন্মুখত ইংৰাজী নৱবৰ্ষ ৷ নৱবৰ্ষৰ প্ৰাকক্ষণত ৰাজ্যৰ প্ৰায়বোৰ বনভোজস্থলীতে ভিৰ কৰিছে পৰ্যটকে ৷ কৰ’ণা মহামাৰীৰ বাবে বিগত প্ৰায় 7 মাহে গৃহবন্দী হৈ থকাৰ পিছত কৰ’ণাৰ প্ৰকোপ কিছু হ্ৰাস পোৱাত নিজ আত্মীয় তথা বন্ধু-বান্ধৱৰ সৈতে কিছু সময় অতিবাহিত কৰিবলৈ ওলাই আহিছে লোকসকল ৷ সমান্তৰালকৈ পাঠশালাৰ পহুমাৰা চাপৰিত আগমন ঘটিছে ৰাজ্যৰ ভিন্ন প্ৰান্তৰ বনভোজ দলৰ ৷ মনোমোহা প্ৰাকৃতিক সৌন্দৰ্যৰ মাজত বছৰটোৰ শেষত তৃপ্তিৰে এসাঁজ খোৱাৰ মানসেৰে ৰাজ্যৰ ভিন্ন প্ৰান্তৰ বনভোজ দলৰ আগমণ ঘটিছে পৰ্যটক ৷
কোনোৱে যদি ৰন্ধনত ব্যস্ত আন কোনোৱে গীতৰ তালে তালে আনন্দ স্ফুৰ্তি কৰাত ব্যস্ত ৷ ইয়াৰ মাজতে আগন্তুক নতুন বছৰত বিশ্বত্ৰাস কৰ’ণা মহামৰীৰ অন্ত পেলাই স্বাভাৱিক অৱস্থা ঘূৰি অহাৰ কামনা কৰিছে বনভোজকাৰী সকলে ৷
লগতে পঢ়ক-গুৱাহাটীত উপস্থিত বিজেপিৰ অনুসূচীত জাতি মৰ্চাৰ ৰাষ্ট্ৰীয় সভাপতি
