বৰপেটা, ৭ নৱেম্বৰ : বৰপেটাৰ বিশিষ্ট সাহিত্যিক, কলাগুৰু বঁটা প্ৰাপক অক্ষয় কুমাৰ মিশ্ৰক পৰেশ বৈশ্য ফাউণ্ডেচনে প্ৰদান কৰে জীৱনজোৰা সাধনা বঁটা ৷ শিক্ষা, সাহিত্য, সাংবাদিকতাৰ লগতে সমাজ সেৱাৰ ক্ষেত্ৰত আগবঢ়োৱা অনবদ্য বৰঙণিৰ বাবে বিশিষ্ট সাহিত্যিকগৰাকীৰ প্ৰদান কৰা হয় এই বঁটা ৷
বৰপেটা প্ৰেছ ক্লাৱত দেওবাৰে আয়োজিত এক গাম্ভীৰ্যপূৰ্ণ অনুষ্ঠানত পৰেশ বৈশ্য ফাউণ্ডেচনে সাহিত্যিক অক্ষয় কুমাৰ মিশ্ৰক প্ৰদান কৰে জীৱনজোৰা সাধনা বঁটা-২০২১ ৷ বিশিষ্ট সাহিত্যিক, কলাগুৰু আৰু শিক্ষাৰত্ন বঁটা প্ৰাপক অক্ষয় কুমাৰ মিশ্ৰক বঁটা প্ৰদান অনুষ্ঠানত উপস্থিত থাকে বৰপেটা জিলাৰ প্ৰাক্তন উপায়ুক্ত তথা লেখক থানেশ্বৰ মালাকাৰ ৷
থানেশ্বৰ মালাকাৰে অক্ষয় কুমাৰ মিশ্ৰক এই বঁটাৰ বাবে বাচনি কৰাত পৰেশ বৈশ্য ফাউণ্ডেচনক প্ৰশংসা কৰে ৷ সভাত বৰপেটা জিলাৰ উপায়ুক্ত তেজ প্ৰসাদ ভূচালো উপস্থিত থাকে ৷ অনুষ্ঠানৰ আৰম্ভণিতে গীত পৰিবেশন কৰে সংস্কৃতা মালাকাৰে ৷
লগতে পঢ়ক : অসম সত্ৰ মহাসভাৰ মধ্যকালীন অধিবেশনৰ সফল সামৰণি
