কলগাছিয়া,16 মাৰ্চ: বৰপেটা জিলাৰ কলগাছিয়া আৰক্ষী থানাৰ অন্তৰ্গত বিলৰটাৰী গাৱঁত সংঘটিত হয় এক লোমহৰ্ষক হত্যাকাণ্ড । বিলৰটাৰী গাৱঁৰ আশান আলীৰ পত্নী তথা ৪ সন্তানৰ মাতৃ আম্বিয়া খাতুনক হত্যা কৰি চিপ লগাই আত্ম হত্যাৰ ৰূপ দিয়াৰ চেষ্টা কৰা ঘটনাই অঞ্চলব্যাপী তীব্ৰ চাঞ্চল্যৰ সৃষ্টি কৰিছে ।
কলগাছিয়াৰ বিলৰটাৰীত লোমহৰ্ষক হত্যাকাণ্ড
স্থানীয় ৰাইজ আৰু আম্বিয়া খাতুনৰ পিতৃয়ে জানিবলৈ দিয়া মতে, নিশা স্বামী-স্ত্ৰীৰ মাজত কাজিয়া হৈছিল আৰু কাজিয়াৰ পিছতেই মূৰত প্ৰহাৰ কৰাৰ পিছতে মৃত্যু হৈছিল আম্বিয়া খাতুন নামৰ মহিলাগৰাকীৰ ৷ স্বামীয়ে চিপজৰী লগাই আত্মহত্যাৰ ৰূপ দিয়াৰ চেষ্টা কৰাৰ সন্দেহ কৰে স্থানীয় ৰাইজে ।
স্থানীয় ৰাইজে আশান আলীক আটক কৰি আৰক্ষীক গতাই দিয়ে । ইফালে কলগাছিয়া আৰক্ষীয়ে ঘটনাস্থলীত উপস্থিত হৈ তদন্ত আৰম্ভ কৰাৰ লগতে আম্বিয়া খাতুনৰ মৃতদেহ উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰিছে ।
