পাঠশালা, 16 মাৰ্চ : সৌ সিদিনালৈকে ঠেলা চলাই ফুৰা মফিজ মালিক হ'ল এখন বিলাসী গাড়ীৰ ৷ কপাল ফুলিল মহম্মদ মফিজ আলীৰ ৷ ভাগ্যৰ চকৰিয়ে যেন ঊৰ্ধমুখী গতি লাভ কৰিলে ৷ যাৰ ফলশ্ৰুতিত মফিজ এতিয়া বিলাসী গাড়ীৰ ৷ ঘটনাটো এনেধৰণৰ,বামাখাটা 1 নং তৰুণ সংঘৰ ভৱন নিৰ্মাণৰ সাহায্যাৰ্থে ইউনাইটেড ক্লাৱ,বামাখাটা আঞ্চলিক ৰঙালী বিহু সন্মিলন আৰু কেন্দুগুৰি বজাৰ কমিটীৰ সৌজন্যত অনুষ্ঠিত হৈছিল এখন উপহাৰ কুপনৰ খেল ৷ ঠেলা চালক মফিজে কমিটিৰ পৰা ক্ৰয় কৰিছিল 13 টা কুপন থকা এখন বহী ৷ তাৰে 5 টা টিকট তেওঁ বিক্ৰী কৰে যদিও বাকী 8 টা টিকট থাকি ৰয় মফিজৰ হাতত ৷ সেই আঠটা টিকটৰে কোনোবা এটা টিকটত সৌভাগ্যই লগ দিলে মফিজক ৷ খেলখনৰ প্ৰথম পুৰস্কাৰ হিচাপে থকা টাটা হেৰিয়াৰ গাড়ীখন লাভ কৰে মফিজে ৷ মফিজে গাড়ীখন লাভ কৰা স্বাভাৱিকতেই উৎফুল্লিত হৈ পৰিছে পৰিয়াল তথা ওচৰ চুবুৰীয়া ৷ সকলোৱে ক'বলৈ ধৰিছে দুখৰ দিনৰ অন্ত পৰিব মফিজৰ ৷
লগতে পঢ়ক : COVID-19ক লৈ বিশেষ সতৰ্কতা ASTC কৰ্তৃপক্ষৰ
