অখিল গগৈৰ মুক্তিৰ দাবীঃ কলগাছিয়াত ছাত্ৰ মুক্তিৰ মানৱ শৃংখল

কলগাছিয়াত ছাত্ৰ মুক্তি সংগ্ৰাম সমিতিৰ প্ৰতিবাদ ৷ মানৱ শৃংখল কাৰ্যসূচীৰ জৰিয়তে প্ৰতিবাদ সাব্যস্ত কৰে প্ৰতিবাদকাৰী সকলে ৷ অখিল গগৈৰ মুক্তিৰ লগতে 'কা' বাতিলৰ দাবী জনাইছে প্ৰতিবাদকাৰীসকলে ৷

জনীয়া, 4 জানুৱাৰী: বৰপেটা জিলাৰ কলগাছিয়াৰ নৱজ্যোতি মহাবিদ্যালয়ৰ সন্মুখত সোমবাৰে ছাত্ৰ মুক্তি সংগ্ৰাম সমিতিয়ে হাতে হাতে বেনাৰ,পোষ্টাৰ লৈ মানৱ শৃংখল কাৰ্যসূচী ৰূপায়ণ কৰে । 13 মাহ ধৰি কাৰাগাৰত বন্দী কৰি ৰখা অখিল গগৈৰ মুক্তিৰ দাবীত আৰু 'কা' বাতিলৰ দাবীত কলগাছিয়া মহকুমা ছাত্ৰ মুক্তি সংগ্ৰাম সমিতিৰ উদ্যোগত এই প্ৰতিবাদী কাৰ্যসূচী ৰূপায়ণ কৰা হয় ৷

প্ৰতিবাদকাৰী সকলে বিজেপি চৰকাৰৰ বিৰুদ্ধে বিভিন্ন ধৰণৰ শ্ল'গান দি পৰিৱেশ উত্তাল কৰি তোলে । তাৰোপৰি শ্ল'গানৰ জৰিয়তে অখিল গগৈ মুক্তি আৰু 'কা' বাতিলৰ দাবী জনাই প্ৰতিবাদকাৰী সকলে ।

লগতে পঢ়ক : বাতৰি কাকত বিলাই ডক্টৰেট ডিগ্ৰী লাভ কৰা এজন লোক.