জনীয়া, 14 জুন: জনীয়া সমষ্টিৰ বাৰভিটা আৰক্ষী চকীৰ অন্তৰ্গত লাংলাত সংঘটিত হয় পথ দুৰ্ঘটনা । কলগাছিয়াৰ পৰা বৰটাৰী অভিমুখে যোৱা AS-15 C - 6302 নম্বৰৰ বাছগাড়ীখনৰ নিয়ন্ত্ৰণ হেৰুৱাই এগৰাকী মটৰচাইকেল আৰোহীক খুন্দিওৱাৰ ফলতে সংঘটিত হয় দুৰ্ঘটনাটো ৷ লাংলাৰ বি বি কলেজৰ সন্মুখৰ ঘাইপথত সংঘটিত দুৰ্ঘটনাত দুগৰাকী ব্যক্তি গুৰুতৰ বাবে আঘাতপ্ৰাপ্ত হয় ৷ আঘাতপ্ৰাপ্ত লোক দুজনক স্থানীয় ৰাইজে ততাতৈয়াকৈ নিকটৱৰ্তী চিকিৎসালৈ লৈ যায় যদিও চিকিৎসকে বৰপেটা মেডিকেল কলেজলৈ প্ৰেৰণ কৰে । আহত ব্যক্তিদুগৰাকীৰ পৰিচয় এতিয়ালৈকে জানিব পৰা হোৱা নাই যদিও দুয়োগৰাকী জনীয়া সমষ্টিৰ ইউছুবপুৰ গাঁও পঞ্চায়তৰ অন্তৰ্গত ডাকালিয়াপৰা পাৰাৰ বুলি জানিব পৰা গৈছে ৷
কলগাছিয়াৰ লাংলাত পথ দুৰ্ঘটনা
ইফালে, দুৰ্ঘটনা সংঘটিত কৰিয়েই পলায়ন কৰে AS-15 C - 6302 নম্বৰৰ বাছৰ চালকগৰাকী ৷
