কলগাছিয়া,২০ মে': ৰাজ্যৰ ভিন্ন প্ৰান্তত অব্যাহত আছে কৰ'ণাৰ সংক্ৰমণ । বৰপেটা জিলাৰ কলগাছিয়াতো প্ৰতিদিনে বৃদ্ধি পাইছে কৰ'ণা আক্ৰান্তৰ সংখ্যা । যোৱা ১০ এপ্ৰিলৰ ১৫ মে'লৈ কলগাছিয়াস্থিত বৰপেটা অসামৰিক চিকিৎসালয়ত ২২০ গৰাকী কৰ'ণাত আক্ৰান্ত ৰোগী ধৰা পৰিছে ।
ইয়াৰে ৮৬ গৰাকী ৰোগী চিকিৎসা লাভ কৰি সুস্থ হৈ ঘৰলৈ উভতিছে । আনহাতে, ৬০ গৰাকী হোম আইচ'লেচনত থকাৰ বিপৰীতে ৪১ গৰাকী ৰোগী চিকিৎসাধীন হৈ আছে আৰু এগৰাকী ৰোগীৰ মৃত্যু হৈছে বুলি বৰপেটা অসামৰিক চিকিৎসালয়ৰ অধীক্ষক ডাঃ ছামচুল আলমে জানিবলৈ দিয়ে ।
ইফালে এতিয়াও কিন্তু বহু লোক সজাগ হোৱা নাই । চৰকাৰৰ নিৰ্দেশনা সঠিকভাৱে পালন নকৰাৰ বাবেই এনেদৰে জিলাখনত কৰ'ণা আক্ৰান্তৰ সংখ্যা বৃদ্ধি হোৱা বুলিও জনাইছে অধীক্ষক গৰাকীয়ে । জিলাখনৰ লগতে সমগ্ৰ কলগাছিয়া অঞ্চলৰ ৰাইজে যাতে কৰ'ণা প্ৰতিৰোধৰ বাবে সকলো নীতি-নিৰ্দেশনা পালন কৰে তাৰ বাবে আহ্বান জনাইছে অধীক্ষকগৰাকীয়ে ।
লগতে পঢ়ক:নগাঁও আৰক্ষীৰ জালত 6 জুৱাৰী
