জনীয়া, 24 মে': প্ৰায় তিনিটা বছৰৰ অন্তত ৰাজ্যত পুনৰ অনুষ্ঠিত কৰা হৈছে গুণোৎসৱ(Gunotsav 2022) ৷ ইতিমধ্যে ৰাজ্যজুৰি সম্পন্ন কৰা হৈছে প্ৰথম পৰ্যায়ৰ গুণোৎসৱ ৷ ইফালে, সমগ্ৰ ৰাজ্যৰ লগতে মঙলবাৰে কলগাছিয়া এম ই স্কুলত অনুষ্ঠিত হৈ যায় দ্বিতীয় পৰ্যায়ৰ গুণোৎসৱ (Gunotsav at Kalgachia), য'ত উপস্থিত থাকে জনীয়াৰ বিধায়ক ড৹ হাফিজ ৰফিকুল ইছলাম (Jonia MLA present at Kalgachia School)।
কলগাছিয়া এম ই স্কুলত অনুষ্ঠিত দ্বিতীয় পৰ্যায়ৰ গুণোৎসৱত (Second phase of Gunotsav 2022)অংশগ্ৰহণ কৰি বিদ্যালয়খনৰ ছাত্ৰ-ছাত্ৰী তথা শিক্ষক-শিক্ষয়ত্ৰীসকলৰ সৈতে মত-বিনিময় কৰে বিধায়কগৰাকী ৷ ইফালে জনীয়াৰ বিধায়কগৰাকীয়ে নিজে পঢ়া বিদ্যালয়খনত গুণোৎসৱৰ মূল্যায়নৰ পৰ্যবেক্ষক হিচাপে উপস্থিত থাকিবলৈ পাই নষ্টালজি্ক হৈ পৰা বুলি কৰিলে উল্লেখ ৷
আনহাতে বিদ্যালয়ত পৰ্যাপ্ত শিক্ষক নিযুক্তি দিয়াৰ লগতে বিদ্যালয়সমূহৰ আন্তঃগাঁঠনি উন্নত কৰিবলৈ চৰকাৰক আহ্বান জনায় জনীয়াৰ বিধায়কগৰাকীয়ে ৷ ইফালে, চৰকাৰে বিদ্যালয়সমূহ একত্ৰিকৰণ কৰি বহু বিদ্যালয় বন্ধ কৰাৰো বিৰোধীতা কৰে জনীয়াৰ স্থানীয় বিধায়কগৰাকীয়ে ।
লগতে পঢ়ক : Gunotsav Assam 2022: এই গুনোৎসৱে নিৰ্নয় কৰিব পাৰিব নে ৰাজহুৱা খণ্ডৰ শিক্ষাৰ মান ?
