বৰপেটা,27 অক্টোবৰঃ সাংসদ আব্দুল খালেকক লৈ শনিবাৰে কংগ্ৰেছৰ প্ৰাক্তন মুখ্যমন্ত্ৰী তৰুণ গগৈয়ে সংবাদমেল সম্বোধন কৰি তীব্ৰ ক্ষোভ প্ৰকাশ কৰাৰ পিছত বৰ্ষীয়ান নেতাগৰাকীৰ বিৰুদ্ধে জাঙুৰ খাই উঠিছে জনীয়া যুৱ কংগ্ৰেছৰ সম্পাদক মোস্তাফিজুৰ ৰহমান । সংবাদমেলখনত তৰুণ গগৈয়ে জনীয়াৰ উপ-নিৰ্বাচনত সাংসদ আব্দুল খালেকে নিৰ্বাচনী ক্ৰেডিট লোৱাত ব্যস্ত থকাৰ অভিযোগ উত্থাপন কৰিছিল ৷ দেওবাৰে সংবাদ মাধ্যমৰ সৈতে হোৱা এক চমু সাক্ষাৎকাৰত যুৱ কংগ্ৰেছৰ নেতাগৰাকীয়ে প্ৰাক্তন মুখ্যমন্ত্ৰীগৰাকীয়ে পোষকতা কৰা এ আই ইউ ডি এফৰ সৈতে মিত্ৰতাৰ বিষয়টোৰ বিৰোধিতা কৰে ৷ যুৱ নেতাগৰাকীয়ে কিছুসংখ্যক বৰ্ষীয়ান কংগ্ৰেছ নেতা বিশেষকৈ তৰুণ গগৈয়ে এন আৰ চিক পেলনীয়া কাগজ আখ্যা দিয়াৰ বাবেই জনীয়াত কংগ্ৰেছৰ বিৰুদ্ধে প্ৰতিষ্ঠান বিৰোধী ঢৌৰ সৃষ্টি হ'ল বুলি মত ব্যক্ত কৰে ৷ আনহাতে এ আই ইউ ডি এফৰ দৰে সাম্প্ৰদায়িক ৰাজনীতিক সাৰ-পানী যোগোৱা দলৰ সৈতে মিত্ৰতা হ'লে কংগ্ৰেছ আগন্তক ২৫ বছৰ লৈকে শাসনত আহিব নোৱাৰে বুলিও তাৎপর্যপূৰ্ণ মন্তব্য আগবঢ়ায় ।
আৰু পঢ়ককংগ্ৰেছ-এ আই ইউ ডি এফৰ মাজত মিত্ৰতাৰ প্ৰধান অন্তৰায় মই আছিলোঃ তৰুণ গগৈ
