চিৰাং,জনীয়া, 12 আগষ্টঃ ৰাজ্যজুৰি অব্যাহত থকা অতিমাত্ৰা গৰমৰ মাজতে সোমবাৰে বিয়লি অহা এজাক প্ৰচণ্ড ধুমুহা বৰষুণে চুই গ'ল ৰাজ্য ৷ এই ধুমুহা বৰষুণে ৰাজ্যত গৰমৰ মাত্ৰা কিছু হ্ৰাস কৰিলে যদিও বিভিন্ন ঠাইত সৃষ্টি কৰিলে তাণ্ডৱ ৷ চিৰাং জিলাৰ বাসুগাঁৱত প্ৰকাণ্ড গছ উঘালি পৰাৰ উপৰিও বিদ্যুতৰ তাঁৰ ছিঙি বিদ্যুত সেৱা ব্যাহত হৈ পৰে। একেদৰে জিলাখনৰ কাজলগাঁও,ঢালিগাঁৱতো ব্যাপক ক্ষয় ক্ষতি কৰে ধুমুহাই । আনহাতে বৰপেটা জিলাতো ধুমুহাই সৃষ্টি কৰিলে আতংকৰ ৷ ঈদৰ দিনাখন অহা তীব্ৰবেগী ধুমুহাৰ ফলত জিলাখনৰ জনীয়া অঞ্চলৰ বহু ঠাইত গছ উঘালি পৰাৰ লগতে বহুতৰে ঘৰৰ টিনপাত পৰ্যন্ত উৰুৱাই নিয়ে ৷
অতিমাত্ৰা গৰমৰ মাজতে প্ৰচণ্ড ধুমুহা বৰষুণে চুই গ'ল ৰাজ্য
