বৰপেটাত দেওবাৰে সামৰণি পৰে ইস্তেমাৰ

বৰপেটাত দেওবাৰে অন্ত পৰে ইস্তেমা কাৰ্যসূচীৰ ৷ 10 জানুৱাৰীৰ পৰা অনুষ্ঠিত তিনি দিনীয়া কাৰ্যসূচীত বিশ্ব শান্তিৰ বাবে দোৱা কৰে ইছলাম ধৰ্মাৱলম্বীলোক সকলে ৷

বৰপেটা, ১২ জানুৱাৰীঃ বৰপেটা জিলাৰ জাৰাবাৰীত অনুষ্ঠিত হোৱা ইস্তেমা দেওবাৰে সামৰণি পৰে । শুকুৰবাৰ অৰ্থাৎ 10 জানুৱাৰী পৰা তিনি দিনীয়া কাৰ্যসূচীৰে আৰম্ভ হয় অনুষ্ঠানৰ ৷ প্ৰায় ত্ৰিশ সহস্ৰাধিক ইছলামধৰ্মীলোকে অনুষ্ঠানত জামাত কৰাৰ লগতে আলীম-উলামাসকলে ইছলাম, ক্বোৰাণ, হাদীছ আৰু দীনৰ কথা আলোচনাৰে এক পবিত্ৰ ভূমিত পৰিণত হয় ভূলোকাবাৰী-জাৰাবাৰী-পুতলাৰটাৰী অঞ্চল ।

দেওবাৰে পুৱা ফজৰৰ নামাজৰ সময়ৰ পৰাই ইজতেমাৰ শেষ অৰ্থাৎ আখেৰী মোনাজাত উপলক্ষে বৰপেটাৰ উপৰিও কাষৰীয়া জিলাসমুহৰ পৰাও বহু লোকৰ আগমন হয় । এই আখেৰী মোনাজাতত দেশৰ শান্তি-সম্প্ৰীতি, ভাতৃত্ববোধ, সাম্প্ৰদায়িক-সম্প্ৰীতিৰ বাবে দোৱা কৰাৰ উপৰিও বিশ্ব শান্তিৰ বাবে দোৱা কৰা হয় ।

আৰু পঢ়কঃ কেন্দ্ৰৰ সৈতে শান্তি আলোচনাৰ অৰ্থে ভাৰতত প্ৰৱেশ এনডিএফবি(এছ)ৰ