বৰপেটা, 25 জুলাই : বানত বিধস্ত ৰাজ্যৰ বিভিন্ন প্ৰান্তত হাহাকাৰ অৱস্থাৰ সৃষ্টি হৈছে বানাক্ৰান্ত লোকৰ মাজত ৷ বানত ঘৰ-দুৱাৰ জলমগ্ন হৈ পৰা বাবে বানাক্ৰান্ত পৰিয়ালসমূহে আশ্ৰয় লৈছে বিদ্যালয়গৃহ,মথাউৰি আৰু ওখ ভেঁটিত ৷ দুৰ্যোগৰ এই মুহূৰ্তত চৰকাৰৰ লগতে আগবাঢ়ি আহিছে বিভিন্নজন ব্যক্তি তথা স্বেচ্ছাসেৱী সংস্থা আৰু সংগঠন ৷
ৰাজ্যৰ কেইবাখনো জিলাত সাহাৰ্য আগবঢ়াই অহা গুৱাহাটীৰ সমন্বয় ফাউণ্ডেছন নামৰ স্বেচ্ছাসেৱী সংস্থাটোৱে শনিবাৰে উপস্থিত হয় বৰপেটাৰ আশ্ৰয় শিবিৰত ৷ শিবিৰৰ পৰিয়ালসমূহৰ মাজত সংস্থাটোৱে প্ৰদান কৰে সাহাৰ্য সামগ্ৰী ৷ ৰোগৰ পৰা হাত সাৰি থাকিবৰ বাবে সংস্থাটোৱে আঁঠুৱা,চাবোন,ব্লিছিং পাউদাৰ,ধূপ, মহিলাৰ বাবে ছেনিটাৰী নেপকিন আদি বিতৰণ কৰে ৷ আনহাতে,শিবিৰত থকা শিশুসকলৰ বাবে শিশুখাদ্য বিতৰণ কৰে সংস্থাটোৱে ৷
অভিনেতা চম্পক শৰ্মা জড়িত থকা এই সংস্থাটোৱে আশ্ৰয় শিবিৰৰ লোকসকল কৰ'ণাত আক্ৰান্ত নহ'বৰ বাবে চাফ-চিকুণতা বজাই ৰাখিবলৈ সমগ্ৰ ৰাজ্যজুৰি সজাগতাৰো সৃষ্টি কৰি আহিছে ৷
লগতে পঢ়ক : প্ৰাক্তন মুখ্যমন্ত্ৰী প্ৰফুল্ল কুমাৰ মহন্ত জীতেন গগৈৰ ৰুদ্ধদ্বাৰ বৈঠক
