জনীয়া, 2 ফেব্ৰুৱাৰী : বৰপেটা জিলাৰ কলগাছিয়া থানাত কৰ্মৰত এজন হোমগাৰ্ড আৰু গাড়ী চালকৰ মাজত মঙলবাৰে হতাহতি ঘটনা সংঘটিত হয় । ঘটনাৰ বিৱৰণ অনুসৰি মৰাপাট কঢ়িওৱা AS-15-AC-3754 নম্বৰৰ এখন চাৰিচকীয়া বাহন কলগাছিয়া চাৰিআলি চ'কৰ ন'পাৰ্কিংত ৰখোৱাত কলগাছিয়া আৰক্ষী থানাত কৰ্মৰত হোমগাৰ্ড শুকুৰ মামুদে গাড়ী খন আঁতৰাই নিবলৈ কোৱাত দুয়োৰে মাজত কাজিয়াৰ সুত্ৰপাত হয় ৷ গাড়ী চালক জনৰ অভিযোগ অনুসৰি হোমগাৰ্ড শুকুৰ মামুদে বাহনখনত বেতেৰে কোবও মাৰিছিল ৷
স্থানীয় লোকে সদৰি কৰা মতে গাড়ীখনত কোব মৰাৰ ফলত হোমগাৰ্ডৰ ওপৰত কলগাছিয়াৰ বলাইপাথাৰ গাঁৱৰ নিবাসী গাড়ী চালক জয়নাল আবদিনে হোমগাৰ্ড জনক শাৰীৰিকভাৱে আক্ৰমণ কৰে । ইতিমধ্যে জয়নাল আবদিনৰ বিৰুদ্ধে কলগাছিয়া আৰক্ষীয়ে এই বিষয়ত এক গোচৰ ৰুজু কৰিছে । সম্প্ৰতি চালক জয়নাল আবদিন পলাতক বুলি জানিবলৈ দিছে কলগাছিয়া আৰক্ষীয়ে ।
