বৰপেটা, 3 অক্টোবৰ : বৰপেটা জিলাত আৰক্ষীৰ অভিযানত গ্ৰেপ্তাৰ হৈছে ইজনৰ পিচত সিজনকৈ লোক ৷ আৰক্ষীৰ অভিযানত বৰপেটাৰ বিভিন্ন স্থানৰ পৰা সঘনাই জব্দ কৰা হৈছে ব্ৰাউন চুগাৰ, নিচাযুক্ত টেবলেট,গাঞ্জাসহ নিষিদ্ধ ড্ৰাগছ ৷
শনিবাৰে পুনৰ বৰপেটাৰ হাউলীৰ সমীপৰ নগৰঝাৰত আৰক্ষীৰ অভিযানত জব্দ কৰা হয় নিচাযুক্ত টেবলেটসহ এজন ড্ৰাগছ ব্যৱসায়ী ৷ হাউলী থানাৰ ভাৰপ্ৰাপ্ত বিষয়া পংকজ দাসৰ নেতৃত্বত আৰক্ষীয়ে অভিযান চলাই বৃহৎ পৰিমানৰ নিচাযুক্ত টেবলেটসহ গ্ৰেপ্তাৰ কৰে ড্ৰাগছ ব্যৱসায়ী গৰাকীক ৷
আৰক্ষীয়ে আটক কৰা ড্ৰাগছ ব্যৱসায়ী গৰাকী হাউলীৰ নগৰঝাৰ গাঁৱৰ আব্দুল আজিজৰ পুত্ৰ বাহাৰুল ইছলাম বুলি আৰক্ষীয়ে প্ৰকাশ কৰিছে । আৰক্ষীয়ে গোপন খবৰৰ ভিত্তিত নগৰঝাৰ গাঁৱৰ নিজ গৃহত অভিযান চলাই নিচাযুক্ত টেবলেটৰ সৈতে গ্ৰেপ্তাৰ কৰে ড্ৰাগছ ব্যৱসায়ী গৰাকীক ।
লগতে পঢ়ক : আজি প্ৰয়াত প্ৰাক্তন মুখ্যমন্ত্ৰী হিতেশ্বৰ শইকীয়াৰ ওপজা দিন
