বৰপেটা, ২৮ মে': বৰপেটা জিলাৰ ৰূপসী প্ৰাথমিক শিক্ষাখণ্ডৰ অন্তগৰ্ত কলগাছিয়াৰ ৫৮৩ নং দেউকুৰা প্ৰাথমিক বিদ্যালয়ৰ ভৱন নিৰ্মাণত প্ৰধান শিক্ষকৰ বিৰুদ্ধে ৰ অভিযোগ উত্থাপন । অভিযোগ অনুসৰি, প্ৰধান শিক্ষক গৰাকীয়ে ৰাইজক অন্ধকাৰত ৰাখি MSDP আঁচনিৰ পৰা আৱণ্টিত ৩ লাখ ৯৭ হাজাৰ টকা ব্যয় সাপেক্ষে নিৰ্মাণৰত ভৱনত পুৰাণা ইটা, ৰড আদি ব্যৱহাৰ কৰি ধন আত্মসাতৰ ষড়যন্ত্ৰ কৰিছে। পুৰানা ইটা ব্যৱহাৰ নকৰিবলৈ ৰাইজে কলেও প্ৰধান শিক্ষকে দিয়া নাই কোনো গুৰুত্ব ।
অৱশ্যে সাংবাদিকৰ প্ৰশ্নৰ উত্তৰত পুৰানা ইটা, ৰড ব্যৱহাৰ কৰা হৈছে বুলি প্ৰধান শিক্ষক গৰাকীয়ে স্বীকাৰ কৰে । বিদ্যালয়ৰ ভৱন নিৰ্মাণত হোৱা সন্দৰ্ভত ৰাইজে শিক্ষা বিষয়া আৰু জিলা উপায়ুক্তলৈ অভিযোগ পত্ৰ প্ৰদান কৰা বুলি জানিব পৰা গৈছে । এইক্ষেত্ৰত তদন্তৰ জৰিয়তে বিহিত ব্যৱস্থা গ্ৰহণ কৰিব বুলি ৰাইজে আশা প্ৰকাশ কৰিছে ।
কলগাছিয়াত বিদ্যালয়ৰ গৃহ নিৰ্মাণত প্ৰধান শিক্ষকৰ বিৰুদ্ধে দুৰ্ণীতিৰ অভিযোগ
