বৰপেটা 4 ডিচেম্বৰ : শনিবাৰে দিনযোৰা কাৰ্যসূচীৰে বৰপেটা জিলা মাধ্যমিক শিক্ষক আৰু কৰ্মচাৰী সংস্থাৰ 47 সংখ্যক দ্বি-বাৰ্ষিক অধিৱেশনখন দক্ষিণ বৰপেটা বিদ্যামন্দিৰ উচ্চতৰ মাধ্যমিক বিদ্যালয়ত অনুষ্ঠিত হয়(Conference of Teacher Association at Barpeta)। লগতে এই অনুষ্ঠানটোৰ লগত সংগতি ৰাখি এখন সভা অনুষ্ঠিত কৰা হয় ৷ এই সভাত উপস্থিত থাকে বৰপেটা জিলাৰ অতিৰিক্ত উপায়ুক্ত লখিমী দত্ত(The meeting attend by Deputy Commissioner Lakhimi Dutta) ৷
এই অনুষ্ঠানটোত উপস্থিত থাকি অতিৰিক্ত উপায়ুক্ত লখিমী দত্তই ঐতিহ্য বহন কৰা দক্ষিণ বৰপেটা বিদ্যামন্দিৰ উচ্চতৰ মাধ্যমিক বিদ্যালয়খনৰ প্ৰধান শিক্ষক চাৰু চক্ৰৱৰ্তীৰ সুপ্ৰচেষ্টাৰ বাবে বিদ্যালয়খনৰ উন্নতি হোৱা বুলি শলাগ লয় ৷ লগতে বিদ্যালয়খনৰ এটা আটক ধুনীয়া ভোজনালয়ও মুকলি কৰে অতিৰিক্ত উপায়ুক্ত গৰাকীয়ে ৷
ইয়াৰোপৰি এই অনুষ্ঠানটোত বিদ্যালয়সমূহৰ পৰিদৰ্শক মনোৰঞ্জন কাকতিৰ লগতে অসম মাধ্যমিক শিক্ষক আৰু কৰ্মচাৰী সংস্থাৰ বিষয়বৱীয়া সকলো উপস্থিত থাকে ।
লগতে পঢ়ক: ভুৱা টেট নিযুক্তি : চিআইডিয়ে দাখিল কৰিলে অভিযোগনামা
