বৰপেটা , ৩ ফেব্ৰুৱাৰীঃ বিশ্ব শান্তিৰ বাবে বৰপেটাৰ নসত্ৰৰ কৃষ্ণগুৰু সেৱাশ্ৰমত 2 ফেব্ৰুৱাৰীৰ পৰা 7 দিনীয়াকৈ অনুষ্ঠিত হোৱা কৃষ্ণগুৰু একনাম অখণ্ড কীৰ্তনৰ সোমবাৰে অনুষ্ঠিত হোৱা ধৰ্মালোচনা সভাত বিশিষ্ট অতিথি হিচাপে উপস্থিত থাকে মুখ্যমন্ত্ৰী সৰ্বানন্দ সোণোৱাল । অনুষ্ঠানত অংশগ্ৰহণ কৰি মুখ্যমন্ত্ৰীগৰাকীয়ে সংবাদ মাধ্যমৰ আগত মন্তব্য কৰে যে, আলফাৰ লগত শান্তি আলোচনাৰ বাবে চৰকাৰ আগবাঢ়িছে । শান্তি আলোচনাত অংশগ্ৰহণ কৰিবৰ বাবে সংবাদ মাধ্যমযোগে আলফাৰ সেনাধ্যক্ষজনক আহ্বান জনালে মুখ্যমন্ত্ৰীগৰাকীয়ে । দেশ সেৱা আৰু জাতি সেৱাই সকলো সংগঠনৰ মুখ্য উদ্দেশ্য বুলিও মন্তব্য কৰে মুখ্যমন্ত্ৰী গৰাকীয়ে ।
শৈক্ষিক পৰিবেশ অটুট ৰখাৰ স্বাৰ্থত সকলো শিক্ষক আৰু অভিভাৱক সচেষ্ট হোৱা উচিত বুলি মন্তব্য কৰে মুখ্যমন্ত্ৰী সোণোৱালে । মুখ্যমন্ত্ৰী গৰাকীয়ে শান্তি প্ৰতিষ্ঠাৰ স্বাৰ্থত সকলোকে ভক্তিৰ আশ্ৰয় ল'বলৈও আহ্বান জনায় । শনিবাৰে অনুষ্ঠিত হোৱা সভাখনত মুখ্যমন্ত্ৰী গৰাকীৰ লগতে কৃষ্ণগুৰু সেৱাশ্ৰমৰ ভক্তিমাতৃ আই কুন্তলা পাটোৱাৰী গোস্বামী, প্ৰভু প্ৰেমানন্দ গোস্বামী, লাহোৱাল সমষ্টিৰ বিধায়ক ঋতুপৰ্ণ বৰুৱা, বিজেপি নেতা ৰূপম গোস্বামী, কৃষ্ণগুৰু আধ্যাত্মিক বিশ্ববিদ্যালয়ৰ উপাচাৰ্য্য ডঃ তৰুণ চন্দ্ৰ বৰা উপস্থিত থাকে ।
লগতে পঢ়কঃমেহমুদ মাডানীৰ সৈতে ইটিভি ভাৰতৰ আছুতীয়া সাক্ষাৎকাৰ
