জনীয়া,15 এপ্ৰিল: প্ৰতিবছৰৰ দৰে এইবেলিও জনীয়াৰ ছাপৰা গাঁৱত বঙালী সম্প্ৰদায়ৰ লোকসকলে অনুষ্ঠিত কৰে চড়ক পূজা ৷ ধৰ্মীয় ৰীতি-নীতি অনুসৰি চ'ত মাহৰ 23 তাৰিখৰ পৰা এই পূজাৰ নিয়ম আৰম্ভ হয় যদিও চ'ত মাহৰ শেষৰ দিনটোত অনুষ্ঠিত কৰা হয় মূল পূজাভাগ ৷ এটুকুৰা কাঠক মহাদেৱ বুলি গণ্য কৰি পূজা-অৰ্চনা কৰাৰ লগতে মানুহৰ ঘৰে ঘৰে গৈ সকলোৰে মংগল কামনা কৰে ৷
পৰম্পৰাগত ৰীতি-নীতিৰে জনীয়াত চড়ক পূজা পালন
বছৰটো যাতে সকলোৰে ভালে কুুশলে যায় তাৰে কামনা কৰি বান ৰজাই শক্তি প্ৰদৰ্শনৰ নিমিত্তে এই পূজা কৰিছিল বুলি প্ৰচলন আছে ৷ কলেৰা, বসন্ত আদি মহামাৰীয়ে যাতে ৰাইজৰ অনিষ্ট কৰিব নোৱাৰে তাৰ বাবে বান ৰজাই দেবী আৰ্য্যা আৰু বৈশালীকো পূজা-অৰ্চনা কৰিছিল বুলি লোক প্ৰবাদ আছে ৷ বিশেষকৈ এজন লোকৰ পিঠিত বৰশীৰে বিন্ধাই ওপৰত সাত পাক ঘূৰোৱাই হৈছে এই পূজাৰ মূল আকৰ্ষণ ৷
