বৰপেটা,১৬ মাৰ্চ: শনিবাৰৰ পৰা বৰপেটাত আৰম্ভ চাউলখোৱা মহোৎসৱ । এক নদীকেন্দ্ৰীক চহৰ বৰপেটাক সাৱটি আছে নখান্দা, চাউলখোৱা আৰু মৰা চাউলখোৱা নৈ আৰু হাৰিজানে । নখান্দা, চাউলখোৱা আৰু মৰা চাউলখোৱা নৈ আৰু হাৰিজানক কেন্দ্ৰ কৰি গঢ়ি উঠা সত্ৰনগৰী বৰপেটাৰ লোকজীৱনত এই নৈসমুহৰ গুৰুত্ব অপৰিসীম ৷ সত্ৰনগৰীক চুই বৈ যোৱা চাউলখোৱা নৈক কেন্দ্ৰ কৰি বিগত ৩২ বছৰে অনুষ্ঠিত হৈ আহিছে চাউলখোৱা মহোৎসৱ ৷
এইবাৰো সাতদিনীয়া বৰ্ণাঢ্য কাৰ্যসূচীৰে আৰম্ভ হৈছে চাউলখোৱা মহোৎসৱ ৷
উল্লেখযোগ্য যে শুক্ৰবাৰে চাউলখোৱা মহোৎসৱস্থলীত সৈনিকৰ প্ৰতি সন্মান জনাই এক শ্ৰদ্ধাঞ্জলি অনুষ্ঠান আগবঢ়াই ৷
বৰপেটা জিলা ডিজিটেল মিডিয়াৰ উদ্যোগত অনুষ্ঠিত এই অনুষ্ঠানত বৰপেটা জিলাত থকা সেনা বাহিনীৰ, জোৱানসকলে সংগীতেৰে বীৰ সৈনিক সকলৰ প্ৰতি শ্ৰদ্ধাঞ্জলি জনায় ৷
পুলৱামাত সন্ত্ৰাসবাদীৰ আক্ৰমনত নিহত বীৰ শ্বহীদ জোৱানসকলৰ প্ৰতি শ্ৰদ্ধা নিবেদনৰ বাবে আয়োজিত সংগীতানুষ্ঠানৰ পূৰ্বে হাতে হাতে মম লৈ শ্বহীদ জোৱানসকলৰ প্ৰতি শ্ৰদ্ধাঞ্জলি জনায় ৷
