বৰপেটা ৯ মে': কৰ’ণাৰ পৰিস্থিতিক লৈ কঠোৰ হৈ পৰিছে বৰপেটাৰ জিলা প্ৰশাসন ৷ দেওবাৰে বৰপেটা চহৰত ভাৰপ্ৰাপ্ত জিলা উপায়ুক্ত টি পি ভূষালে আকস্মিক অভিযান চলায় ৷ কৰ’ণাৰ সংক্ৰমণ প্ৰতিৰোধৰ বাবে দোকানী, ব্যৱসায়ীসকলৰ লগতে সকলো নাগৰিকক মাস্ক পৰিধানৰ আহ্বান জনায় ভাৰপ্ৰাপ্ত উপায়ুক্ত গৰাকীয়ে ৷ মানুহক দেখুৱাবলৈ নহয়, নিজৰ সুৰক্ষাৰ বাবেহে মাস্ক পৰিধান আৰু চেনিটাইজাৰ ব্যৱহাৰৰ আহ্বান উপায়ুক্ত টি পি ভূষালৰ ৷
মানুহক দেখুৱাবলৈ নহয়, নিজৰ সুৰক্ষাৰ বাবেহে মাস্ক পৰিধান কৰক : টি পি ভূষাল
ইপিনে বজাৰত কৃত্ৰিম নাটনিৰে মূল্যবৃদ্ধি নকৰিবলৈকো ব্যৱসায়ীক সকিয়নী প্ৰদান কৰে জিলা উপায়ুক্তই ৷ কৃত্ৰিম নাটনিৰ দোহাই দি সামগ্ৰীৰ মূল্য বৃদ্ধি কৰিলে কঠোৰ আইনী ব্যৱস্থা গ্ৰহণ কৰা হ’ব বুলিও ব্যৱসায়ীক সকিয়নী ভাৰপ্ৰাপ্ত উপায়ুক্তগৰাকীৰ ৷
লগতে পঢ়ক : নতুন মন্ত্ৰীসভাত অগপৰ তিনি বিধায়কে পাব মন্ত্ৰীত্ব : কেশৱ মহন্ত
