পাঠশালা, 17 মে' : ৰাজ্যত আংশিক লকডাউন চলি থকাৰ সময়তে বজালীৰ বাঘমাৰাত এখন চাৰিচকীয়া বাহন আৰু এখন বাইক দুৰ্ঘটনাগ্ৰস্ত হয় । বজালী জিলাৰ বাঘমাৰাত একে দিশৰ পৰা আহি থকা চাৰিচকীয়া বাহনখনে নিয়ন্ত্ৰণ হেৰুৱাই বাইক আৰোহি জনক খুন্দা মৰাত বাইক আৰোহি গৰাকী থিতাতে নিহত হয় । নিহত বাইক আৰোহীগৰাকী গড়গাঁৱৰ বাষ্প ব্ৰহ্ম (৫০) বুলি জানিব পৰা গৈছে ৷
নিহত বাইক আৰোহী বাষ্প ব্ৰহ্ম পেছাত এগৰাকী শিক্ষক আছিল বুলি জানিব পৰা গৈছে ৷ বাঘমাৰা আৰক্ষীয়ে ঘটনাস্থলীত উপস্থিত হৈ দুৰ্ঘটনা সংঘটিত কৰা বাহনখন নিজৰ জিম্মাত লোৱাৰ ওপৰি নিহত বাষ্প ব্ৰহ্মৰ মৃতদেহৰ মৰণোত্তৰ পৰীক্ষাৰ ব্যৱস্থা কৰে । দুৰ্ঘটনাগ্ৰস্ত হোৱা চাৰিচকীয়া বাহনখনৰ নম্বৰ AS 14 L 7828 বুলি জানিব পৰা গৈছে । বাষ্প ব্ৰহ্মৰ আকস্মিক মৃত্যুত এতিয়া সমগ্ৰ বাঘমৰা অঞ্চলত পৰিছে শোকৰ ছাঁ ৷
লগতে পঢ়ক : ক'ভিডৰ সংকটত কেন্দ্ৰীয় চৰকাৰ উদ্ধাৰৰ বাবে আগুৱাই অহা উচিত
