পাঠশালা, ২০ অক্টোবৰ: নিৰ্বাচনৰ দিন চমু চাপি অহাৰ লগে লগে ৰাজনীতিত যোগদান প্ৰক্ৰিয়াও এতিয়া অন্যতম দিশ হৈ পৰিছে ৷ যি সময়ত শ্বহিদ খৰ্গেশ্বৰ তালুকদাৰৰ গৃহভূমি ভবানীপুৰ সমস্তিত অগপ বিজেপিৰ মাজত টিকেট কেন্দ্ৰিক বিতৰ্ক সূচনা হৈছে,সেইসময়তে অগপই বঢ়াইছে ব্যাপক সাংগঠনিক তৎপৰতা ৷ সেই অনুসৰি অগপৰ সাধাৰণ সম্পাদক ভূপেন ৰয়ৰ উপস্থিতিত সমস্তিটোৰ প্ৰভাৱশালী নেতা বিপুল কৃষ্ণ দাসৰ নেতৃত্বত শতাধিক যুৱকে অগপত যোগদান কৰে ৷
আনহাতে, উক্ত যোগদান সভাত অগপই ভবানীপুৰ আই টি চেলৰ ওপৰত গুৰুত্ব দি অগপৰ ব্যাপক প্ৰচাৰ চলাই দল শক্তিশালী কৰাৰ প্ৰচেষ্টা সন্দৰ্ভত প্ৰক্ৰিয়া আৰম্ভ কৰে ৷ ভবানীপুৰৰ অগপৰ সদস্য সকলৰ মন্তব্য অনুসৰি, ভবানীপুৰত এইবাৰ বৃহৎ সংখ্যক ভোটৰে অগপই জয় লাভ কৰিব ৷
অন্য এক খবৰৰ বাবে: কৰিমগঞ্জত ট্ৰাকসহ জব্দ চোৰাং কাঠ
