বজালী, ২৫ ছেপ্টেম্বৰ: মধুপুৰ সত্ৰত সেৱা লৈ সভাপতি লুৰীণজ্যোতি গগৈৰ নেতৃত্বত অসম জাতীয় পৰিষদে ধুবুৰীৰ পৰা আৰম্ভ কৰা এক অসম যাত্ৰাই আজি পঞ্চম দিনত ভৰি দিলে ৷ সোমবাৰে পুৱা পাঠশালাৰ আই অসমী সংঘৰ গান্ধীৰ প্ৰতিমূৰ্ত্তিত সেৱা জনাই আগবাঢ়ে লুৰীণজ্যোতি গগৈ । বজালীৰ ৰাজপথত বহু অনুৰাগীয়ে আদৰণি জনায় অসম জাতীয় পৰিষদৰ সভাপতি লুৰীণজ্যোতি গগৈক ৷
ৰাইজৰ এই মৰমক কৃতজ্ঞতা জনাই অসম জাতীয় পৰিষদৰ সভাপতি লুৰীণজ্যোতি গগৈয়ে কয় যে, দল-মত নিৰ্বিশেষে সকলোৱে এই যাত্ৰাৰ প্ৰতি সঁহাৰি জনাইছে । ৰাইজৰ এই সঁহাৰিয়ে যাত্ৰাৰ মূল উদ্দেশ্য প্ৰাপ্তিত সহায় কৰিছে ৷ তেওঁ লগতে ৰাজ্যৰ মুখ্যমন্ত্ৰী ড৹ হিমন্ত বিশ্ব শৰ্মাৰ চাকৰি নীতি আৰু দমন নীতিক চোকা ভাষাৰে সমালোচনা কৰে l তাৰ সমান্তৰালভাৱে বৃদ্ধ ছাত্ৰ-নেতাৰে ভৰপূৰ বুলি অভিযোগ উঠা ছাত্ৰ সন্থা সন্দৰ্ভতো সাংবাদিকৰ প্ৰশ্নত নিজৰ অভিমত ব্যক্ত কৰে অসম জাতীয় পৰিষদৰ সভাপতিগৰাকীয়ে l
