বৰপেটা, ২৫ ছেপ্টেম্বৰ: দৰঙৰ গৰুখুঁটিত উচ্ছেদ অভিযানক অগণতান্ত্ৰিক, অমানৱীয় আখ্যা দি শনিবাৰে ৰাজ্যজুৰি এ আই ইউ ডি এফে প্ৰতিবাদী কাৰ্যসূচী ৰূপায়ণ কৰে । বৰপেটাতো দলটোৰ জিলা সমিতিয়ে মৌন সমদল উলিয়ায় । মুখত ক'লা কাপোৰ বান্ধি সমদলত অংশ লয় দলীয় কৰ্মকৰ্তাই । গৰুখুঁটিত উচ্ছেদৰ নামত আৰক্ষীয়ে চলোৱা অমানৱীয় নিৰ্যাতনৰ চলোৱাৰ অভিযোগ তুলি দলীয় কৰ্মকৰ্তাসকলে বৰপেটাৰ উপায়ুক্তৰ কাৰ্যালয়লৈকে প্ৰতিবাদী সমদল উলিয়ায় ।
উপায়ুক্ত কাৰ্যালয়ত উপস্থিত হৈ উপায়ুক্তৰ উপায়ুক্তৰ জৰিয়তে ৰাজ্যপাললৈ স্মাৰকপত্ৰ প্ৰেৰণ কৰে দলটোৱে । গৰুখুঁটি কাণ্ডক দলটোৱে গৰিহণা দিয়ে । এই ঘটনাৰ তদন্তৰ দাবী কৰাৰ লগতে মৃতকৰ পৰিয়াল আৰু আহত লোকসকলক ক্ষতিপুৰণ আদায় দিয়া দাবী জনায় । দলটোৱে ভূমিহীনক মাটিৰ পট্টা প্ৰদানৰো দাবী তোলে ৷
উল্লেখ্য যে, দৰঙৰ ছিপাঝাৰৰ গৰুখুঁটিত প্ৰশাসনে উচ্ছেদ অভিযান চলোৱাৰ সময় বেদখলকাৰীৰে সংঘৰ্ষ হয় । পৰিস্থিতি ইমানেই ভয়াৱহ হৈ পৰে যে, উচ্ছেদিতই প্ৰাণ হেৰুৱাবলগীয়া হয় । ইয়াৰ পিছতে প্ৰশাসন তথা ৰাজ্য চৰকাৰৰ বিৰুদ্ধে ক্ষোভিত হৈ পৰে সংখ্যালঘু ছাত্ৰ সংগঠন আৰু বিভিন্ন ৰাজনৈতিক দল ।
লগতে পঢ়ক:অক্টোৱৰ মাহত 21 দিনৰ বাবে বন্ধ থাকিব বেংক সেৱা
