বৰপেটা 02 এপ্ৰিল : "20 মে'ৰ পাচত হিমন্ত কংগ্ৰেছত অহাৰ চেষ্টা কৰিব কিয়নো হিমন্ত ক্ষমতালোভী লোক "৷ সোমবাৰে কলগাছিয়াৰ এখন সভাত বৰপেটাৰ কংগ্ৰেছী প্ৰাৰ্থী আব্দুল খালেকে এনেদৰে মন্ত্ৰী ড0 হিমন্ত বিশ্ব শৰ্মাক সমালোচনা কৰে ৷
কলগাছিয়াত উপস্থিত কংগ্ৰেছী প্ৰাৰ্থী আব্দুল খালেক
সোমবাৰে কলগাছিয়াত অনুষ্ঠিত হোৱা জনিয়া যুৱ কংগ্ৰেছৰ এখন সভাত 6 নং বৰপেটা লোকসভাৰ কংগ্ৰেছৰ প্ৰাৰ্থী আব্দুল খালেক উপস্থিত হৈ অভিযোগ কৰে যে বিজেপিৰ এ আই ডি এফৰ লগত গোপন মিত্ৰতা আছে ৷ তদুপৰি এ আই ডি এফক বিজেপিৰ এজেন্ট আৰু ব্লেক মেইলাৰ পাৰ্টী বুলিও আখ্যা দিয়ে খালেকে৷কংগ্ৰেছী প্ৰাৰ্থীজনে অভিযোগ কৰে যে আজমলৰ হিমন্তৰ লগত যোগাযোগ আছে আৰু হিমন্ত আজমলৰ বছ । উল্লেখ্য যে এই সভাত আব্দুল খালেকৰ লগত বিধায়ক শুকুৰ আলী, জাকিৰ হুছেইন সিকদাৰ, শ্বেৰমান আলী, আব্দুল হাই নাগৰিকে ধৰি কেইবাজনো কংগ্ৰেছী নেতা উপস্থিত থাকে ৷
