কলগাছিয়া, ২৯ জুন : বৰপেটা জিলাৰ কলগাছিয়াত চাঞ্চল্যকৰ ঘটনা (Sensational incident in Kalgachia)। এটা পৰিয়ালক আক্ৰমণ তিনি ভাতৃৰ । গুৰুতৰভাৱে আহত পৰিয়ালটোৰ তিনিজনকৈ লোক । ঘটনা সন্দৰ্ভত এজাহাৰ দাখিল কৰিছে ভুক্তভোগী পৰিয়ালে ।
উল্লেখ্য যে ভুক্তভোগী পৰিয়ালটোৰ ঘৰৰ সমীপৰ বিদ্যুতৰ ট্রেন্সফৰ্মাটো বিকল হোৱাত ইউচুফ আলী নামৰ এগৰাকী লোকৰ ঘৰৰ ওচৰৰ ট্রেন্সফৰ্মাৰ পৰা বিদ্যুৎ সংযোগ দিব বিচাৰিছিল । কিন্তু ইউচুফ আলী নামৰ ছাত্ৰ নেতাজনে এই কামত বাধা প্ৰদান কৰে । যাৰ বাবে ভুক্তভোগী পৰিয়ালটোৱে তেওঁলোকৰ মাটিত থকা এট পথ বন্ধ কৰি দিছিল যিটো পথেৰে আমছু নেতাগৰাকীয়ে অহা যোৱা কৰিছিল । ইয়াৰ পাছতে দুয়োটা পৰিয়ালৰ মাজত সংঘাত আৰম্ভ হয় ।
পৰৱৰ্তী সময়ত ঘটনাটো মীমাংসাৰ বাবে নিশা এখন ৰাইজ মেল বহিছিল । উক্ত ৰাইজমেলতেই আমছু নেতাৰ বাহুবল প্ৰয়োগ কৰি পৰিকল্পিতভাৱে নিৰীহ পৰিয়ালটোক আক্ৰমণ কৰে (AAMSU leader attacks)। য'ত তিনিজনকৈ লোক গুৰুতৰভাৱে আঘাতপ্ৰাপ্ত হয় ।
আমছু নেতা ইউচুফ আলী আৰু তেওঁৰ দুই ভাতৃ বিনা আলী আৰু ৰমজান আলীয়ে পৰিয়াটোক আক্ৰমণ কৰাৰ অভিযোগ উত্থাপন হৈছে (Allegations raised against AAMSU leader)। এগৰাকী মহিলাকো আক্ৰমণ কৰাৰ অভিযোগ উঠিছে । ইয়াৰ পাছতে ভুক্তভোগী পৰিয়ালটোৱে বালিকুৰী আৰক্ষী চকীত দাখিল কৰিছে এজাহাৰ । কিন্তু আৰক্ষীৰ ভূমিকা সন্তোষজনক নোহোৱাত পৰিয়ালটো কাষ চাপিছে সংবাদ মাধ্যমৰ ।
এতিয়া প্ৰশ্ন হয় ছাত্ৰ সংগঠনৰ এজন নেতাই নিশা ৰাইজমেলত সামান্য এটা বিষয় লৈ এই নিৰীহ পৰিয়ালটোক আক্ৰমণ কৰাটো যুক্তিসংগত হৈছে নে ? আৰক্ষীয়ে পৰৱৰ্তী সময়ত ভুক্তভোগী পৰিয়ালটোক ন্যায় দিব পাৰিব নে ? সেয়া সময়েহে ক'ব ?
লগতে পঢ়ক :কাপোৰ চিলোৱাবলৈ আহি দৰ্জীক ডিঙি ৰেপি হত্যা
