বৰপেটাৰোড 3 জানুৱাৰী : বৰপেটা জিলাৰ সৰভোগৰ সমীপৰ ৩১ নং ৰাষ্ট্ৰীয় ঘাইপথৰ কিছমৎ দ্বাৰিকাত দেওবাৰে এক ভয়ংকৰ পথ দুৰ্ঘটনা সংঘটিত হয় ৷ এই পথ দুৰ্ঘটনাত এজন চাইকেল আৰোহী থিতাতে নিহত হয় । দুৰ্ঘটনাত নিহত চাইকেল আৰোহী জনৰ নাম পাতিলাদহাৰ অঞ্চলক প্ৰাণ নাথ কৰ্মকাৰ বুলি জানিবলৈ দিছে স্থানীয় লোকে ৷
ঘটনাৰ বিৱৰণ অনুসৰি প্ৰাণ নাথ কৰ্মকাৰে দেওবাৰে সৰভোগ অভিমুখে আহি থকাৰ সময়তে পিছপিনৰ পৰা আহি থকা AS-01-ED-8160 নম্বৰৰ এখন চাৰিচুকীয়া বাহনে খুন্দা মাৰে ৷ ফলত গুৰুত্বভাৱে আহত প্ৰাণ নাথ কৰ্মকাৰক সৰভোগৰ সমূহীয়া স্বাস্থ্য কেন্দ্ৰত ভৰ্তি কৰোৱা হয় যদিও চিকিৎসকে তেওঁক মৃত বুলি ঘোষণা কৰে ।
উল্লেখ্য যে দূৰ্ঘটনা সংঘটিত কৰা বহন খনৰ নম্বৰ প্লেটত Government of India. Ministry of Finance CGST Guwahati লিখা আছে বুলি জানিবলৈ দিছে স্থানীয় লোকে ৷
লগতে পঢ়ক: 18 শতাংশ বৃদ্ধিৰে আবকাৰী বিভাগে সংগ্ৰহ কৰিলে অভিলেখসংখ্যক কৰ
