বৰপেটা, ১৭ নৱেম্বৰ : বৰপেটাৰ জনীয়াৰ চৌধুৰী বজাৰত বুধবাৰে বৰপেটা আৰক্ষীয়ে অভিযান চলাই কেইবাটাও জুৱাৰীসহ বৃহৎ পৰিমাণৰ ধন জব্দ কৰে ৷ বৰপেটাৰ উপ আৰক্ষী অধীক্ষক আৰু বৰপেটা সদৰ থানাই কয়াকুছি আৰু মন্দিয়া আৰক্ষীৰ সহযোগত চলায় এই অভিযান ৷ আৰক্ষীৰ দলটোৱে জুৱাৰীকেইটাৰ লগতে জুৱাত ব্যৱহৃত বহু সামগ্ৰীও জব্দ কৰে ৷
আৰক্ষীৰ দলটোৱে অভিযানৰ সময়ত 9 টা জুৱাৰীৰ লগতে ৫ খন বাইক, প্ৰায় ১ লাখ ৫ হাজাৰ টকা নগদ ধন, ১৪ টা মোবাইল ফোন, জাণ্ডিমুন্দাৰ সামগ্ৰী আৰু তাচপাত জব্দ কৰে ৷ আৰক্ষীয়ে আটক কৰা জুৱাৰীকেইটা বাদশ্বাহ মিঞা, চানু সৰকাৰ, শৰল খান, ৰফিকুল ইছলাম, আনোৱাৰ হুছেইন, নজৰুল ইছলাম, মোজাম্মিল হুছেইন, চায়েদ আলী আৰু সাগৰ আলী বুলি জানিব পৰা হৈছে ৷
জনীয়াৰ চৌধুৰী বজাৰত মুকলিকৈ চলি থকা জুৱাৰ বিৰুদ্ধে আৰক্ষীক অভিযোগ দিয়াৰ পিচতেই আৰক্ষীয়ে তৎপৰতাৰে গ্ৰহণ কৰা পদক্ষেপত সন্তুষ্টি প্ৰকাশ কৰিছে স্থানীয় ৰাইজে ৷
লগতে পঢ়ক : Fake Currency Note Smuggling : কলিয়াবৰত আটক 7 প্ৰৱঞ্চক
