বৰপেটাত আৰক্ষীৰ জালত ৪ জুৱাৰী

বৰপেটাত আৰক্ষীৰ অভিযানত আটক 4 আন্তঃৰাজ্যিক জুৱাৰী ৷ চাৰি জুৱাৰীয়ে বৰপেটা কল'নীৰ এটা ফ্লেটত ৰুম ভাড়া লৈ জুৱা খেলি থকাৰ খবৰ লাভ কৰি আৰক্ষীয়ে চলাইছিল অভিযান ৷ উক্ত অভিযানত আটক হয় জুৱাৰীকেইটা ৷

বৰপেটা, 3 জুন: বৰপেটাত আৰক্ষীৰ অভিযানত জালত পৰিছে এটা আন্তঃৰাজ্যিক জুৱাৰীৰ দল ৷ বৰপেটা কল'নীৰ এটা ফ্লেটত বুধবাৰে অভিযান চলাই বৰপেটা আৰক্ষীয়ে ৪ জনকৈ জুৱাৰীক আটক কৰে ৷

জুৱাৰীকেইটাৰ ঘৰ ধুবুৰী, গোৱালপাৰা, বঙাইগাঁও আৰু বৰপেটাত বুলি জানিব পৰা গৈছে ৷ আটকাধীন জুৱাৰী কেইটা ক্ৰমে: বঙাইগাঁৱৰ মানিকপুৰৰ আব্দুৰ ৰহমান, বাঘবৰৰ আমজাদ আলী, গোৱালপাৰাৰ সুদীপ কৰ্মকাৰ আৰু ধুবুৰীৰ আছাদুল ইছলাম ৷

চাৰি জুৱাৰীয়ে বৰপেটা কল'নীৰ এটা ফ্লেটৰ প্ৰথম মহলাৰ এটা ৰুম ভাড়া লৈ জুৱা খেলি থকাৰ খবৰ লাভ কৰি আৰক্ষীয়ে অভিযান চলাই আটক কৰে জুৱাৰীকেইটাক ৷ ইফালে ধৃত জুৱাৰী কেইটাক বৃহস্পতিবাৰে বৰপেটা আদালতত হাজিৰ কৰাই ন্যায়িক জিম্মালৈ প্ৰেৰণ কৰা হয় ৷

লগতে পঢ়ক: উদালী কাণ্ডৰ আন দুই অভিযুক্তক গ্ৰেপ্তাৰ