বৰপেটা, 7 আগষ্টঃ বৰপেটা আৰক্ষীৰ জালত পৰিল কামৰূপ জিলাৰ চাংসাৰীৰ 3 যুৱকসহ এটি কিশোৰ ৷ বৰপেটাৰ নখান্দা দলঙৰ সমীপত আৰক্ষীয়ে আটক কৰে দলটোক ৷ দলটোৰ পৰা AS-01-V-4546 নম্বৰৰ এপল' ক্ৰছ গাড়ীখনৰ পৰা খুকুৰী, লাঠি আৰু অন্যান্য বহুতো আপত্তিজনক সামগ্ৰী জব্দ কৰা বাবেই বৰপেটা আৰক্ষীয়ে গ্ৰেপ্তাৰ কৰে যুৱককেইজনক ৷ আৰক্ষীয়ে আটক কৰা সকলৰ ভিতৰত আছে কামৰূপৰ চাংসাৰী গোপেশ্বৰাৰ চাহাদৎ হুছেইন, 1নং জলাহ গাৱৰ মনোৱাৰ আলী, বাইহাটা চাৰিআলীৰ মুন্না আলী আৰু চাংসাৰীৰ আন এটি কিশোৰ ৷ বৰপেটাৰ আৰক্ষী অধীক্ষক ডাঃ ৰবীন কুমাৰৰ নিৰ্দেশক্ৰমে আৰক্ষীয়ে তালাচী চলাই আটক কৰিবলৈ সক্ষম হয় যুৱককেইজনক ৷ বৰপেটাৰ সীমান্ত শাখাৰ ডিএচপি অমৃত কলিতাৰ নেতৃত্বত আটক দলটোক৷
চাংসাৰীৰ 3 যুৱকসহ আটক এটি কিশোৰ
