বাক্সা, 19 মে‘: কৰ‘ণা ভাইৰাছে সমগ্ৰ বিশ্বতে মহামাৰী ৰূপ ধাৰণ কৰিছে ৷ ভাৰততো ইতিমধ্যে কৰ‘ণাৰ ভয়াৱহতাৰ ফলত ঘোষণা কৰা লক ডাউনৰ চতুৰ্থ পৰ্যায় চলি আছে । বহিঃৰাজ্যত অসমৰ নিবনুৱা যুৱক যুৱতী সকলে বিভিন্ন ব্যক্তিগত প্ৰতিষ্ঠানত কৰ্মসূত্ৰে গৈ আবদ্ধ হৈ আছিল । এই নিবনুৱা যুৱক যুৱতীসকলক স্ব-গৃহলৈ উভতাই অনাৰ প্ৰক্ৰিয়া ইতিমধ্যে আৰম্ভ হৈছে । সেয়ে বাক্সা জিলাৰ তামুলপুৰ মহকুমাৰ অন্তৰ্গত নতুন হাউলী গাঁৱৰ হাউলীখুটিত ৰাইজে সাজিলে কোৱাৰান্টাইন কেন্দ্ৰ ।
স্থানীয় ৰাইজে জানিব দিয়া অনুসৰি গাওঁ সভাৰ আলোচনা মৰ্মে গাওঁখনৰ মাজত থকা " লক্ষ্মীপ্ৰসাদ দেৱকোটা উচ্চ প্ৰাথমিক বিদ্যালয় আৰু হাউলীখুটি প্ৰাথমিক বিদ্যালয়ত অস্থায়ী কোৱাৰান্টাইন কেন্দ্ৰ সাজি উলিয়াছে । দুয়োখন বিদ্যালয়তে পুৰুষ আৰু মহিলাক পৃথক পৃথক কৈ ৰখাৰ বাবে সম্পূৰ্ণ ৰূপে সাজু কৰিছে ৰাইজে ।
বাক্সাৰ হাউলীখুটিত ৰাইজৰ তৎপৰতাত নিৰ্মাণ কোৱাৰান্টাইন কেন্দ্ৰ
