বাক্সা, 21 নৱেম্বৰ: ইউপিপিএল দলৰ নটা পৰিষদীয় সমষ্টি বিজেপি দলৰ হাতত প্ৰমোদ বড়োৱে বিক্ৰী কৰা বুলি ছ’চিয়েল মিডিয়াত চলা অপপ্ৰচাৰ সন্দৰ্ভত প্ৰতিক্ৰিয়া প্ৰকাশ কৰিছে দলটোৰ সাংগঠনিক সম্পাদক মুজিৱ আলী আহমেদে ৷ ইউপিপিএলৰ সাংগঠনিক সম্পাদক আহমেদে ইউপিপিএল দলৰ উত্থান দেখি বিপিএফ দলে ছন্দ হেৰুৱাই পেলাইছে দাবী কৰে । তেওঁ এয়া ইউপিপিএল দলৰ তৃণমূল কৰ্মীসকলক হতাশাৰ মাজত ঠেলি দিয়াৰ বাবে ষড়যন্ত্ৰ চলিছে বুলি দাবী কৰে ৷ এয়া বিপিএফ দলৰ অইটি শাখা কৰ্মীসকলৰ অপপ্ৰচাৰ তথা অভিসন্ধিহে বুলি অভিযোগ কৰি আহমেদে ইউপিপিএল দলৰ কাৰো সৈতে গোপন আৰু মুকলি বুজাবুজি নাই বুলি মন্তব্য কৰে ।
মুজিৱ আলী আহমেদে লগতে কয় যে, ইউপিপিএল দল কাৰো সৈতে আঁঠু লোৱা দল নহয় । পিচিডিআৰ পিছত ইউপিপিএল দলে বিপিএফদলৰ অপশাসনৰ বিৰুদ্ধে সকলো সময়তে থিয় হৈ আহিছে । সেয়ে ইউপিপিএল দলৰ তৃণমূল কৰ্মীসকলক এনে অপপ্ৰচাৰত ভোল নগৈ বিপিএফৰ ১৭ বছৰীয়া অপশাসনৰ উফৰাবলৈ সাজু হ’বলৈ আহ্বান জনায় মুজিৱ আলী আহমেদে । আনহাতে বিটিআৰত যিমানেই বিজেপি দলে নিৰ্বাচনী প্ৰচাৰ চলাব সিমানেই ইউ পিপিএল দলৰ লাভ হ’ব বুলি কয় ইউ পিপিএল দলৰ নেতা মুজিৱ আলী আহমেদে ।
লগতে পঢ়ক: বি পি এফৰে এতিয়া ভংগ নহয় মিত্ৰতাঃ বিজেপিৰ কেন্দ্ৰীয় নেতৃত্ব
