ভাৰত-ভূটান সীমান্তত এছ এছ বি (SSB) ৰ প্ৰশিক্ষণ শিবিৰ

স্থানীয় যুৱক-যুৱতীক নিৰাপত্তাৰক্ষীত ভৰ্তিৰ হেতুকে ভাৰত-ভূটান সীমান্ত এলেকাৰ বাক্সা জিলাৰ লক্ষীবজাৰ-কামাৰদৈছাত সশস্ত্ৰ সীমা বল (SSB) ৰ ২৭ নং বেটালিয়নৰ উদ্যোগত বুধবাৰৰপৰা ছয়দিনীয়াকৈ নিৰাপত্তাৰক্ষীত ভৰ্তিৰ এক প্ৰাক প্ৰশিক্ষণ আৰম্ভ ৷ ৯৫০ গৰাকী যুৱক-যুৱতীয়ে অংশগ্ৰহণ কৰে অনুষ্ঠানটোত ৷

বাক্সা, ২৩ জুন : সশস্ত্ৰ সীমা বল (SSB) ৰ প্ৰশংসনীয় পদক্ষেপ ৷ ভাৰত চৰকাৰৰ নিযুক্তি প্ৰক্ৰিয়া অনুসৰি স্থানীয় যুৱক-যুৱতীক নিৰাপত্তাৰক্ষীত ভৰ্তিৰ হেতুকে ভাৰত-ভূটান সীমান্ত এলেকাৰ বাক্সা জিলাৰ লক্ষীবজাৰ-কামাৰদৈছাত সশস্ত্ৰ সীমা বল (SSB) ৰ ২৭ নং বেটালিয়নৰ উদ্যোগত বুধবাৰৰপৰা ছয় দিনীয়াকৈ নিৰাপত্তাৰক্ষীত ভৰ্তিৰ এক প্ৰাক প্ৰশিক্ষণ আৰম্ভ হৈছে । চলিত বৰ্ষৰ ২৮ জুনলৈ চলিবলগীয়া এই প্ৰাক ভৰ্তি প্ৰশিক্ষণৰ বুধবাৰে শুভাৰম্ভ কৰে এছ এছ বি(SSB) ৰ ২৭ নং বেটালিয়নৰ কামাণ্ডেণ্ট অভিষেক আনন্দ (ABHISHEK ANAND) য়ে ।

কামাণ্ডেণ্ট অভিষেক আনন্দে(ABHISHEK ANAND) এই নিৰাপত্তাৰক্ষীত ভৰ্তি অনুষ্ঠানত বিটিআৰ চুক্তিৰ এক সফল ৰূপান্তৰ বুলি অভিহিত কৰি কয়, "ভাৰত চৰকাৰ, অসম চৰকাৰ আৰু বিটিআৰ(BTR) চৰকাৰৰ যৌথ বৈঠক অনুসৰি সীমান্ত এলেকাত নিৰাপত্তাৰক্ষীৰ খালী পদ আছে । সেয়েহে সশস্ত্ৰ সীমা বল(SSB)ৰ ২৭ নং বেটালিয়নৰ শিবিৰৰ অন্তৰ্গত বনগাঁও, লক্ষীবজাৰ আৰু বড়ো বজাৰৰ এলেকাধীন বড়ো যুৱক-যুৱতীক লক্ষীবজাৰ-কামাৰদৈছাত নিৰাপত্তাৰক্ষীত ভৰ্তিৰ হেতুকে ছয় দিনীয়াকৈ প্ৰাক প্ৰশিক্ষণৰ আয়োজন কৰা হৈছে ।