বাক্সা, 25 মে’: বাক্সা জিলাৰ তামুলপুৰ আৰক্ষী থানাৰ অন্তৰ্গত ৰঙিয়া-ভূটান ৰাষ্ট্ৰীয় ঘাইপথৰ বৰখাটাত মঙলবাৰে সংঘটিত হয় এক ভয়ংকৰ পথ দুৰ্ঘটনা । ঘটনাৰ বিবৰণি অনুসৰি, মঙলবাৰে পুৱা প্ৰায় 11 মান বজাত তামুলপুৰ পূৱ তামুলপুৰ বহুমুখী সমবায় সমতিৰ AS-25-CC-5246 নম্বৰৰ বাহনখনে খাদ্য সুৰক্ষাৰ চাউল ঝাৰগাঁওলৈ কঢ়িয়াই নি থকা অৱস্থাত নিয়ন্ত্ৰণ হেৰুৱাই পথৰ ওপৰতে বাগৰি পৰি দুৰ্ঘটনাত পতিত হয় । এই পথ দুৰ্ঘটনাটোৰ ফলত গুৰুতৰভাৱে আহত হয় বাহনখনৰ চালকসহ 6 গৰাকী লোক ৷
দুৰ্ঘটনাটোত আহত হোৱা লোককেইজন ক্ৰমে-উৎপল দাস, ৰমণী দাস, কবি দাস, অমৰ ৰাভা, ৰবীন দাস, জ্যোতিষ দাস আৰু হাৰেজ আলী ৷ দুৰ্ঘটনাটো সংঘটিত হোৱাৰ পাচত স্থানীয় ৰাইজে তামুলপুৰ আৰক্ষীক খবৰ দিয়াত ঘটনাস্থলীত আৰক্ষীৰ লোক উপস্থিত হৈ ৰাইজৰ সহযোগত দুৰ্ঘটনাত পতিত হোৱা বাহন খনৰ চালক আৰু শ্ৰমিক কেইজনক উদ্ধাৰ কৰি তামুলপুৰ প্ৰাথমিক চিকিৎসালয়লৈ প্ৰেৰণ কৰে।
ইপিনে গুৰুতৰভাৱে আঘাতপ্ৰাপ্ত তিনিজন শ্ৰমিকক উন্নত চিকিৎসাৰ বাবে গুৱাহাটী চিকিৎসা মহাবিদ্যালয়লৈ প্ৰেৰণ কৰাৰ লগতে আন পাঁচ গৰাকী লোকক ৰঙিয়ালৈ প্ৰেৰণ কৰে।
লগতে পঢ়ক: মীন পালনেৰে স্বাৱলম্বীতাৰ নিৰ্দশন উমানন্দৰ
