বাক্সা, ২০ জুনঃ বাক্সাৰ গোৰেশ্বৰত পুনৰ এজন ব্যক্তিৰ দেহত মহামাৰী COVID-19ৰ উপস্থিতি । গোৰেশ্বৰৰ ৰাজহচক্ৰৰ অন্তৰ্গত ৰাজাৰমাটীত COVID-19 পজিটিভ ৰোগী ওলোৱাত শংকিত হৈ পৰিছে গাওঁবাসী ।
খবৰ অনুসৰি, বহিঃৰাজ্য পৰা আহি হোম কোৱাৰেন্টাইনত থকা যুৱকজনৰ দেহত COVID-19ৰ উপস্থিতি লাভ কৰিছে বুলি শুকুৰবাৰে অৱগত কৰে স্বাস্থ্য় বিভাগে । উল্লেখ্য যে, যুৱকজনৰ দেহত COVID-19ৰ উপস্থিতি লাভ কৰা বুলি খবৰ পোৱাৰ পাচতে শুকুৰবাৰে ৰাতিপুৱাৰে পৰা চিকিৎসাৰ বাবে হাস্পতাললৈ যাবলৈ সাজু হৈ আছিল যুৱকজন ৷ কিন্তু বহু সময় ধৰি বিভাগীয় কৰ্তৃপক্ষই কোনো ব্যৱস্থা নোলোৱাত গাওঁবাসী আৰু যুৱকজনৰ পৰিয়ালত মাজত সংক্ৰমণৰ আশংকাত হাহাকাৰ পৰিস্থিতিৰ সৃষ্টি হয় ।
শুকুৰবাৰে পুৱাই স্বাস্থ্য বিভাগৰ লোকক এই খবৰ দিয়া হৈছিল বুলি স্থানীয় লোকে মত প্ৰকাশ কৰে যদিও অৱশেষত নিশা ৯-৩০ বজাত COVID-19ত আক্ৰান্ত ব্যক্তিজনক চিকিৎসালয়লৈ নিয়াৰ ব্যৱস্থা কৰে স্বাস্থ্য বিভাগে ৷
