বাক্সাত নিৰুদ্দিষ্ট আশী বছৰীয়া বৃদ্ধা

বাক্সাৰ কুমাৰপাৰাত নিৰুদ্দেশ এগৰাকী আশী বছৰীয়া বৃদ্ধা ৷ বৃদ্ধাগৰাকীক বিচাৰি নাপায় হতাশ পৰিয়াল ৷ ঘটনা সন্দৰ্ভত এজাহাৰ দাখিল

বাক্সা, 6 জুলাই : দুমাহে নিৰুদ্দিষ্ট হৈ আছে বাক্সাৰ কুমাৰপাৰাৰ এগৰাকী আশী বছৰীয়া বৃদ্ধা ৷ বৃদ্ধাগৰাকীক বিচাৰি নাপায় হতাশ হৈ পৰিছে পৰিয়ালটো ৷ জানিব পৰা মতে কুমাৰপাৰা গাঁওৰ মহামায়া ৰাজবংশী নামৰ বৃদ্ধা গৰাকীয়ে বিগত এপ্ৰিল মাহৰ দুই তাৰিখে ঘৰৰ পৰা গাঁওলৈ ওলাই যোৱাৰ পিচৰে পৰা নিৰুদ্দেশ হৈ আছে ৷ পৰিয়ালে আলহী, কুটুম্বৰ লগতে বিভিন্ন স্থানত বিচাৰি নাপায় অৱশেষত আৰক্ষীৰ ওচৰ চাপে ৷ ঘটনা সন্দৰ্ভত বৰমা থানাত নিৰুদ্দেশ সম্পৰ্কীয় এখন এজাহাৰ দাখিল কৰিছে যদিও আজিলৈকে কোনো শুং-সূত্ৰ পাবলৈ সক্ষম হোৱা নাই ৷ যাৰ বাবে পৰিয়ালে বৃদ্ধাগৰাকী কোনো লোকে প্ৰত্যক্ষ কৰিলে 8403861572 আৰু 8471959161 ফোন নম্বৰত যোগাযোগ কৰিবলৈ অনুৰোধ জনাইছে ৷