বাক্সা, ৩১ অক্টোবৰ : ভাৰতৰ লৌহমানৱ চৰ্দাৰ বল্লভ ভাই পেটেলৰ ১৪৬ তম জন্ম দিৱসৰ লগত সংগতি ৰাখি সমগ্ৰ ভাৰততে দেওবাৰে ৰাষ্ট্ৰীয় একতা দিৱস হিচাপে পালন কৰা হয় ৷ ৰাষ্ট্ৰীয় একতা দিৱসৰ লগত সংগতি ৰাখি বাক্সা জিলাৰ ভাৰত ভূটান সীমান্তৰ পাটকীজুলিস্থিত ৬৪ নং সশস্ত্ৰ সীমা বলে ৰাষ্ট্ৰীয় একতা দিৱস পালন কৰে ৷
ৰাষ্ট্ৰীয় একতা দিৱসৰ লগত সংগতি ৰাখি পুৱা জোৱানসকলৰ এক সামূহিয়া দৌৰ আৰু চাফাই কাম কৰা হয় ৷ অনুষ্ঠানটো উদ্বোধন কৰে পাটকীজুলীত থকা ৬৪ নং সশস্ত্ৰ সীমা বলৰ কামাণ্ডেণ্ট নন্দ কিশোৰ ভট্টই ৷ তেওঁ জোৱানসকলৰ আগত ভাষণ ৰাখি কয় যে, চৰ্দাৰ বল্লভ ভাই পেটেলে ভাৰতবৰ্ষৰ অখণ্ডতাৰ হকে যুঁজি গৈছিল ৷
ভাৰতবৰ্ষৰ জনতাক একতাৰ দলেৰে বান্ধি ৰখা চৰ্দাৰ বল্লভ ভাই পেটেলে সদায় কাম কৰি গৈছিল ৷ সেয়েহে তেওঁক লৌহমানৱ বুলি সকলোৰে মাজত পৰিচিত আৰু তেওঁৰ জন্ম দিনটোক ৰাষ্ট্ৰীয় একতা দিৱস হিচাপে পালন কৰা হয় ৷
লগতে পঢ়ক : বঙাইগাঁৱত বৃহৎ পৰিমাণৰ কাঠৰ কুণ্ডা জব্দ
