বাক্সা,16 এপ্ৰিলঃ বিশ্বজুৰি ত্ৰাস সৃষ্টি কৰা কৰ’ণা ভাইৰাছত সম্প্ৰতি ৰাজ্যতো আক্ৰান্ত হৈছে 32 জনকৈ লোক ৷ ইয়াৰ মাজতে চৰকাৰী নিৰ্দেশনা অনুসৰি ৰাজ্যৰ চাহ বাগিচাসমূহ খোলা দিয়ে চাহ বাগিচা কৰ্তৃপক্ষই ৷ ইতিমধ্যে,বাক্সা জিলাত অৱস্থিত চাৰিখন চাহ বাগিচাত পূৰ্বৰ দৰেই কাম আৰম্ভ কৰা হয় ৷ উল্লেখ্যে যে,বাক্সা জিলাৰ ভাৰত ভূটান সীমান্তত অৱস্থিত মেনকা চাহ বাগিচাত কিছু নিৰ্দিষ্ট নীতি-নিয়ম ধাৰ্য কৰি দিয়া হৈছে ৷ চাহ পাত তোলাৰ সময়ত শ্ৰমিক সকলে সামাজিক দুৰত্ব বজাই ৰাখিহে বাগিচাত কাম কৰাৰ বাবে নিৰ্দেশ দিয়ে বাগিচা কৰ্তৃপক্ষই ৷ লগতে শ্ৰমিক সকলে মাস্ক পৰিধান কৰাৰ লগতে চাবোনেৰে হাত ধুৱাৰ বাবেও পৰামৰ্শ আগবঢ়োৱা হয় ৷
আনহাতে,লক ডাউনৰ সময়ছোৱাত বাগিচা কৰ্তৃপক্ষই নিয়মিতভাৱে শ্ৰমিক সকলক দিন মজুৰি প্ৰদান কৰি আহিছিল ৷ ইয়াৰ উপৰিও বাগিচাখনত বহিঃৰাজ্যৰ পৰা অহা তিনিজন শ্ৰমিকৰ নিতৌ স্বাস্থ্য পৰীক্ষা কৰি থকা হৈছে আৰু তেওঁলোক এতিয়া সম্পূৰ্ণৰূপে সুস্থ অৱস্থাত থকা বুলি জানিবলৈ দিয়ে বাগিচা কৰ্তৃপক্ষই ৷
লগতে পঢ়ক-টাইপত ভুল ! কাঁহ আৰু জ্বৰত আক্ৰান্ত ব্যক্তিক কৰ’ণাত আক্ৰান্ত ঘোষণা
