বন্যহস্তীৰ আক্ৰমণৰ প্ৰতিৰোধৰ বাবে বনবিভাগৰ বৈদ্যুতিক ফেঞ্চিং!

তামুলপুৰ মহকুমাৰ অন্তৰ্গত সীমান্ত অঞ্চল সমূহত প্ৰথম অৱস্থাত কৰা হ'ব এই ব্যৱস্থা ৷ ইতিমধ্য সম্পন্ন লেব্ৰা নৈৰ পৰা খাৰ মাটিলৈ প্ৰায় ৫ কি:মি: দৈৰ্ঘৰ বিজুলী তাঁৰৰ কাম ৷

বাক্সা, 19 নৱেম্বৰ: বাক্সা জিলাৰ তামুলপুৰ মহকুমাৰ অন্তৰ্গত সীমান্ত অঞ্চলৰ বাসিন্দাসকলৰ বাবে সুখবৰ ৷ অতি শীঘ্ৰে ৰাজ্যৰ ভিতৰত বন্যহস্তীৰ উপদ্ৰৱত আটাইতকৈ ক্ষতিগ্ৰস্ত হোৱা তামুলপুৰ মহকুমাৰ অন্তৰ্গত সীমান্ত অঞ্চলসমূহত বন বিভাগে দিব বৈদ্যুতিক ফেঞ্চিং ৷ হাতীৰ আক্ৰমণৰ পৰা জনসাধাৰণক ৰক্ষা কৰিবলৈকে এই পদক্ষেপ গ্ৰহণ কৰিছে বনবিভাগে ৷ উল্লেখযোগ্য যে, বন্যহস্তীৰ উপদ্ৰৱৰ ফলত তামুলপুৰ মহকুমাৰ সৰ্বাধিক ক্ষতিগ্ৰস্ত অঞ্চলসমূহ হৈছে নাগ্ৰীজুলী,গুৱাবাৰী,জয়পুৰ, পাহাৰপুৰ ইত্যাদি অঞ্চল ৷ এই অঞ্চলসমূহত বৰ্তমান দিন দুপৰতে বনৰীয়া হাতীয়ে মুক্ত ভাৱে বিচৰণ কৰি থকা দেখিবলৈ পোৱা পৰিলক্ষিত হৈছে । যাৰ ফলত বাসিন্দাসকলৰ ঘৰ-বাৰী হেৰুৱাৰ আশংকাৰ লগতে জীৱনৰ প্ৰতিও ভাবুকি নামি আহিছে ৷

বৰ্তমান জিলা বন বিভাগে বিভিন্ন বেচৰকাৰী সংস্থাৰ জৰিয়তে সীমান্তত অঞ্চলৰ আশে পাশে বসবাস কৰা লোক সকলক বন্যহস্তীৰ পৰা সুৰক্ষা দিয়াৰ উদ্দেশ্য বাক্সাৰ লেব্ৰা নৈৰ পৰা খাৰ মাটিলৈ প্ৰায় ৫ কি:মি: দৈৰ্ঘৰ বিজুলী তাৰ সংযোগী ফেঞ্চিঙৰ কাম ইতিমধ্যে সম্পূৰ্ণ হৈ উঠিছে যাৰ ফলত হাঁহি বিৰিঙি উঠা পৰিলক্ষিত হৈছে অঞ্চলবাসীৰ মুখত ৷

আৰু পঢ়ক: গোলাঘাটৰ উদয়ন চাহ বাগিচাত হাতী মানুহৰ ভয়ংকৰ সংঘাত