বৰমা, 3 নবেম্বৰ : বাক্সাৰ 23 নং দিহিৰা পৰিষদীয় সমষ্টিৰ ইউপিপিএল দলৰ প্ৰাৰ্থী জগদীশ ৰামছিয়াৰীয়ে মঙলবাৰে এক নিৰ্বাচনী পদযাত্ৰা কৰে ৷ নিৰ্বাচনী প্ৰচাৰ চলাই ৰামছিয়াৰীয়ে কয় যে, বিটিএডিত এইবাৰ 'পৰিবৰ্তন' নিশ্চিত। বিটিএডি পৰিষদীয় নিৰ্বাচনত মুঠ 40 টা পৰিষদীয় সমষ্টিতে ইউপিপিএল দলে প্ৰতিদ্বন্দিতা কৰিব যদিও আজিৰ তাৰিখত 30 ৰ পৰা 32 টা সমষ্টিতে ইউপিপিএলে বিজয় সাব্যস্ত কৰি বিটিএডি দখল কৰিব ৷
সুদীৰ্ঘ 17 বছৰীয়া বিপিএফৰ শাসনৰ প্ৰতি অঞ্চলটোৰ ৰাইজে বীতশ্ৰদ্ধ হৈ উঠা বুলিও মন্তব্য কৰে জগদীশ ৰামছিয়াৰীয়ে ৷ সহস্ৰাধিক লোকৰ সমৰ্থনত নিকাচিৰ ভূটানসূটীত আৰম্ভ হোৱা নিৰ্বাচনী পদযাত্ৰাত নিকাচি বজাৰৰ লগতে সমষ্টিৰ বহু এলেকা সামৰি লোৱা হয় ৷ ইউপিপিএল জিন্দাবাদ, টেক্টৰৰ ছবিত ভোট দিয়ক আদি শ্ল'গানেৰে ইউপিপিএল দলে নিৰ্বাচনী প্ৰচাৰ চলায় ৷ প্ৰায় ডেৰ হাজাৰৰো অধিক পদযাত্ৰীয়ে এই যাত্ৰাকালত প্ৰাৰ্থীগৰাকীক সংগ দিয়া পৰিলক্ষিত হয় ।
লগতে পঢ়ক : মন্ত্ৰী ড০ হিমন্ত বিশ্ব শৰ্মাৰ সকলো মন্তব্যৰ প্ৰত্যুত্তৰ দিবলৈ লাজ লাগেঃ ৰিপুণ বৰা
