তামুলপুৰ,7 নৱেম্বৰ: বাক্সাৰ তামুলপুৰৰ ভাৰত ভূটান সীমান্তৰ দৰংগা মেলাত বজৰংগ দলৰ বদৰউদ্দিন আজমলৰ প্ৰতিকৃতি দাহ । শুকুৰবাৰে শিলচৰ বিমান বন্দৰত এ আই ইউ ডিএফৰ সমৰ্থকে পাকিস্তান জিন্দাবাদ ধ্বনি দিয়াৰ পাছতে প্ৰতিবাদ মুখৰ হৈ পৰে সমগ্ৰ ৰাজ্য ৷ শনিবাৰে ৰাষ্ট্ৰীয় বজৰংগ দলৰ দৰংগামেলা সমিতিয়ে এক প্ৰতিবাদী কাৰ্যসূচী ৰূপায়ন কৰে ৷
ভাৰত-ভূটান আন্ত:ৰাষ্ট্ৰীয় ঘাইপথত এআই ইউডিএফৰ সভাপতি বদৰউদ্দিন আজমলৰ প্ৰতিকৃতি দাহ কৰে ৰাষ্ট্ৰীয় বজৰংগ দলৰ সদস্যসকলে । প্ৰতিবাদকাৰী সকলে পাকিস্তান মূর্দাবাদ, বদৰুদ্দিন আজমল মূর্দাবাদ, ভাৰত মাতা কি জয়, জয় শ্ৰী ৰাম আদি শ্ল'গান দি বদৰুদ্দিন আজমলৰ প্ৰতিকৃতি দাহ কৰে ।
উল্লেখ্যযে, প্ৰতিবাদী কাৰ্যসূচীত দৰংগাজুলি ব্লকৰ বজৰংগ দলৰ নেতা কৰ্মী সকল উপস্থিত থাকে ৷
লগতে পঢ়ক: নীলাপানী হ্ৰদত সন্ধানহীন হোৱা যুৱকৰ মৃতদেহ উদ্ধাৰ
