বাক্সা, 30 এপ্ৰিলঃ বাক্সাৰ বৰমা আৰু মুছলপুৰত সংঘটিত সাংবাদিক নিগ্ৰহৰ ঘটনা । লক্ ডাউনৰ মাজতে বাতৰি সংগ্ৰহ কৰি থকা বাক্সাৰ মফচলীয় সাংবাদিকক লাঠিৰে প্ৰহাৰ কৰা ঘটনাই চাঞ্চল্যৰ সৃষ্টি কৰিছে সাংবাদিক মহলত । দুটা ভিন্ন সংবাদ মাধ্যমত কৰ্মৰত বাক্সা জিলাৰ বৰমাৰ দুগৰাকী সাংবাদিকক, বিএছএফ জোৱানে আৰু জিলা সদৰ উপ আৰক্ষী অধীক্ষৰ সন্মুখত দেহৰক্ষীয়ে প্ৰহাৰ কৰা বুলি অভিযোগ উত্থাপিত হৈছে ।
সাংবাদিক আক্ৰমণৰ এই ঘটনাক বাক্সা জিলা সাংবাদিক সন্থা, অসম বাৰ্তাজীৱী সংঘ বাক্সা জিলা সমিতি, জাৰ্নেলিষ্ট ইউনিয়ন বাক্সা জিলা সমিতি, বাক্সা জিলা গোৰ্খা ছাত্ৰ সন্থা আৰু বিভিন্ন দল সংগঠনে তীব্ৰ ভাষাৰে গৰিহণা দিয়ে । বৃহস্পতিবাৰে বাক্সা জিলাৰ সাংবাদিকসকলে ক'লা বেজ পৰিধান কৰি, জিলা উপায়ুক্তৰ জৰিয়তে অসমৰ ৰাজ্যপাল আৰু মুখ্যমন্ত্ৰীলৈ এখন স্মাৰক পত্ৰ প্ৰেৰণ কৰে । স্মাৰক পত্ৰৰ জৰিয়তে সাংবাদিকৰ নিৰাপত্তা সুনিশ্চিত কৰা আৰু সাংবাদিক আক্ৰমণৰ ঘটনাৰ লগত জড়িত আৰক্ষী প্ৰশাসনৰ লোকক চিনাক্ত কৰি শাস্তি দিবলৈ দাবী জনায় ।
লগতে পঢ়কঃ শুনিলেই নাক কোঁচ খাই আহিব আপোনাৰ, কেৱল গো-মূত্ৰ সেৱনেই নহয়..
