বৰমা, 1 নৱেম্বৰ: বাক্সা জিলাৰ আঠিয়াবাৰীত মুছলপুৰ বিপিএফ প্ৰাইমাৰীৰ মহিলাসকলে ৰূপায়ন কৰে চাইকেল ৰেলী কাৰ্যসূচী ৷ পুৱা প্ৰায় ১০ বজাৰ পৰা মহিলা সকলে আৰম্ভণি কৰে চাইকেল ৰেলী কাৰ্যসূচীৰ ৷ এই কাৰ্যসূচী মুকলি কৰে মুছলপুৰ মহিলা বিপিএফ দলৰ সভানেত্ৰী সৰস্বতী ৰাভাই ৷
এই কাৰ্যসূচীৰ দ্বাৰা মহিলাসকলে সমষ্টটোৰ লোকসকলক বুজাই দিব বিচাৰিছে যে, ভোটাধিকাৰৰ ক্ষেত্ৰত সক্ৰিয় হোৱাৰ লগতে কোনটো দলক ভোট দিলে বিটিচি অঞ্চলৰ ঐক্য, শান্তি আৰু প্ৰগতি বৰ্তি থাকিব ৷ আনহাতে সেই সমষ্টিটোত বিপিএফ দলেই জয় লাভ কৰিব বুলিও উল্লেখ কৰে মুছলপুৰ মহিলা বিপিএফ দলৰ সভানেত্ৰী সৰস্বতী ৰাভাই ৷ ইয়াৰোপৰি বিপিএফৰ কাৰ্যসূচী ইউপিপিএল দলে অনুসৰণ কৰি আছে বুলিও উল্লেখ কৰে সভানেত্ৰী গৰাকীয়ে ৷ লগতে বিটিচিত বিপিএফ দলেই চৰকাৰ গঠন কৰিব বুলিও উল্লেখ কৰে তেওঁ ৷
লগতে পঢ়ক: বাক্সাত যোগান মন্ত্ৰীৰ পুত্তলিকা দাহ
