অসমী আইৰ বাপতিসাহোন ৰঙালী বিহু সমাগত ৷ ঢোল-পেঁপা, কুলি-কেতেকীৰ মাতে ৰজন জনাই উঠিব চৌদিশ ৷ গছে পাত সলাই ন ৰূপ ল'ব ৷ অতিকৈ আপোন মৰমৰ বিহুৱানখন বহাগ বিহুত সকলোৱে ডিঙিত ল'ব। এই চেনেহী বিহুৱানখনৰ ওপৰত একাংশ বহিৰাগত ব্যৱসায়ীৰ কোপ দৃষ্টি পৰিছে ৷ সংকটৰ গৰাহত চেনেহৰ বিহুৱানখনৰ লগতে বড়ো,ৰাভা জনগোষ্ঠীয় লোকসকলৰ আৰনাই আৰু পাজাৰত। বহিঃৰাজ্যৰ আমদানিকৃত কম মূল্যৰ বিহুৱান,আৰনাই আৰু পাজাৰৰে ভৰি পৰিছে ৰাজ্যৰ বজাৰ আৰু স্থায়ী দোকান সমূহ । জানিব পৰা মতে পশ্চিম বংগত উৎপাদিত বিহুৱান সমূহ 50 পৰা 60 টকাত পোৱা যায় আৰু অসমৰ থলুৱা বিহুৱান সমূহ 150 পৰা 300 টকাৰ ভিতৰত কিনিব লগা হয় ৷ ব্যৱসায়ীসকলে কোৱা মতে কম মূল্যত দল সংগঠন অথবা বিহু উৎযাপন সমিতিসমূহে বিচাৰে বিহুৱান ৷
আনহাতে সমাগত লোকসভা নিৰ্বাচনতো প্ৰাৰ্থীসকলৰ ডিঙি ভৰি পৰিব বহিৰাজ্যৰ কম মূল্যৰ বিহুৱান,আৰনাই আৰু পাজাৰৰে ৷ সুলভ মূল্যত পোৱা বহিঃৰাজ্যৰ বিহুৱানৰ বাবে অসমৰ থলুৱা বিহুৱানৰ বিক্ৰী দিনক দিনে হ্ৰাস পাবলৈ ধৰিছে । ৰাইজেইযদি নিজে এই ক্ষেত্ৰত সজাগ হৈ বহিঃৰাজ্যৰ বিহুৱান,আৰনাই আদি বৰ্জন নকৰে তেন্তে অচিৰেই ৰাজ্যৰ শিপিনী সকলৰ লগতে গামোচাৰ অস্তিত্বৰ প্ৰতিও ভাবুকি আহি পৰিব।
