বৰপেটাৰোড, 1 মে : দিল্লীত পুনৰ ক'ৰণাত আক্ৰান্ত বাক্সা জিলাৰ গোৱৰ্ধনাৰ এজন CRPF জোৱান ৷ জানিব পৰা মতে, CRPF ৰ ৩১ নং বেটেলিয়নত কৰ্মৰত জোৱানজন ৷ পূৰ্বেও ৩১ নং বেটেলিয়নত কৰ্মৰত অসমৰ কেবাজনো জোৱান কৰ'ণাত আক্ৰান্ত হোৱাৰ লগতে ইতিমধ্যে কৰ'ণাৰ ফলত নিহত হৈছে সৰুপেটাৰ এজন জোৱান ৷
শুকুৰবাৰে বাক্সাৰ জোৱানজন ক’ৰণাত আক্ৰান্ত হোৱা বুলি খবৰ লাভ কৰাৰ পাছতে উদ্বিগ্ন হৈ পৰিছে জোৱানজনৰ পৰিয়াল তথা অঞ্চলবাসী ৷ পুত্ৰ, স্বামীক সুস্থ শৰীৰেৰে ঘৰলৈ উভতাই আনিবলৈ স্বাস্থ্যমন্ত্ৰী হিমন্ত বিশ্ব শৰ্মাৰ লগতে মুখ্যমন্ত্ৰীৰ আগত কৰযোৰে প্ৰাৰ্ধনা কৰিছে পৰিয়ালৰ লোকে ৷
লগতে পঢ়কঃ বনজ উৎপাদনৰ নূন্যতম সহায়কাৰী মূল্য বৃদ্ধি কৰিব চৰকাৰে
উল্লেখ্য যে, ২০০৪ চনত CRPF ত যোগদান কৰিছিল দুই সন্তানৰ পিতৃ বাক্সাৰ জোৱানজনে ৷ ঘৰখনৰ একমাত্ৰ উপাৰ্জনকাৰী পুত্ৰক সোঁশৰীৰে উভতাই আনিবলৈ এতিয়া বাৰে বাৰে অনুৰোধ জনাইছে পিতৃ-মাতৃয়ে ৷
