টকাৰ অভাৱত দিছপুৰ হস্পিতালত আৱদ্ধ বাক্সাৰ এজন যুৱক

টকাৰ অভাৱত জটিল ৰোগত আক্ৰান্ত তামুলপুৰৰ এজন যুৱক পনবন্দী হৈ আছে গুৱাহাটীৰ দিছপুৰ হস্পিতালত । প্ৰয়োজন আপোনাৰ অলপ সহায়ৰ ।

বাক্সা,7মে': বাক্সা জিলাৰ তামুলপুৰ মহকুমাৰ কালাকুছি গাঁৱৰ এক দুৰ্ভগীয়া পৰিয়াল ৷ বিগত প্ৰায় ৩৪ দিন ধৰি গুৱাহাটীৰ দিছ্পুৰ হস্পিতালৰ বিচনাত পৰি ৰৈছে কংকণ দাস নামৰ যুৱকজন ৷ হিমফিলিয়া বি, চেপচিছ, ক্ৰনিক এনেমিয়া, বৃক্কৰ লগতে কেইবাটাও জটিল ৰোগত আক্ৰান্ত হৈছে যুৱকজন ৷ ইপিনে, চিকিৎসাধীন যুৱকজনক বৃহস্পতিবাৰে চিকিৎসালয়ৰ পৰা ঘৰলৈ যোৱাৰ অনুমতি দিয়া হয় যদিও হস্পিতালৰ বিল প্ৰায় সাত লাখতকৈ অধিক হোৱাৰ বাবে আজিও চিকিৎসালয় খনতে আৱদ্ধ হৈ আছে যুৱক জন ৷

আজিৰে পৰা প্ৰায় ডেৰ বছৰ পূৰ্বৰে পৰা বিভিন্ন জটিল ৰোগত আক্ৰান্ত হৈ অসমৰ লগতে বহিঃৰাজ্যৰ বিভিন্ন চিকিৎসালত চিকিৎসা কৰি মাটি সম্পত্তি বিক্ৰী কৰি সৰ্বশ্ৰান্ত হৈ পৰিছে পৰিয়ালটি । যুৱকজনৰ আছে এটি এক মহীয়া সন্তান । সকলো বিক্ৰী কৰি তীব্ৰ আৰ্থিক সংকটত পৰিছে বৰ্তমান পৰিয়ালটো । ইতিমধ্যে গাঁওবাসীৰ লগতে বিটিচি প্ৰধান প্ৰমোদ বড়ো আৰু তামুলপুৰৰ নৱ নিৰ্বাচিত বিধায়ক লেহো ৰাম বড়োয়ে আৰ্থিক সাহায্য প্ৰদান কৰিছে যদিও সেয়া পৰ্যাপ্ত নোহোৱাত যুৱক জনক ঘৰলৈ আনিব পৰা নাই । এই দুৰ্ভগীয়া পৰিয়াটিয়ে উপায়ন্তৰ হৈ এতিয়া ৰাজ্যসভাৰ সাংসদ বিশ্বজিৎ দৈমাৰীৰ লগতে স্বাস্থ্য মন্ত্ৰী ডঃ হিমন্ত বিশ্ব শৰ্মাৰ পৰা যুৱক জনক ঘৰলৈ ঘূৰাই অনাৰ বাবে বিচাৰিছে অলপ সহায় ৷

ইফালে, এই যুৱকজনক 91011 89801 ম'বাইল নম্বৰ বা কংকণ দাসৰ নামত কানাড়া বেংকৰ ৰঙিয়া শাখাত থকা একাউণ্ট নম্বৰ 4559101005323, IFSC Code - CNRB0004559 ত আৰ্থিক অনুদান আগবঢ়াবলৈ পৰিয়ালৰ লোকে অনুৰোধ জনায় ৷

অন্য এক খবৰৰ বাবে: ব্যতিক্ৰমী বিয়া: দৰা অবিহনেই বিয়াত বহিল কইনা