বাক্সা, 19 মেঃ হাতী খেদিবলৈ গৈ পঙ্গুত্বৰ জীৱন অতিবাহিত কৰিবলগীয়া হৈছে বাক্সা জিলাৰ ভাৰত ভূটান সীমান্তৰ ডাওৰাইঝাৰ গাওঁৰ চন্দ্ৰ স্বৰ্গীয়াৰীয়ে । ২০ চেপ্টেম্বৰ ২০১৯ত হাতী খেদিবলৈ গৈ বনৰীয়া হাতীৰ আক্ৰমণত গুৰুতৰভাৱে আহত হৈছিল লোকজন । আৰ্থিক অসুবিধাৰ বাবে উপযুক্ত চিকিৎসাৰ অভাৱত ব্যক্তিগৰাকী বিচনাতে দিন-ৰাতি একাকাৰ কৰি থাকিব লগীয়া হৈছে । কোনো মতে দিন হাজিৰা কৰি পৰিয়ালটো পোহপাল দি আছিল চন্দ্ৰই । কিন্তু তেঁও এতিয়া এনেদৰে বিছনাত পৰি থকাৰ ফলত পৰিয়ালটোত হাহাকাৰ সৃষ্টি হৈ পৰিছে ।
বাক্সাত স্বামীক সুস্থ কৰিবলৈ ৰাইজলৈ কৰুণ আহ্বান পত্নীৰ
