বাক্সা, 19 মেঃ হাতী খেদিবলৈ গৈ পঙ্গুত্বৰ জীৱন অতিবাহিত কৰিবলগীয়া হৈছে বাক্সা জিলাৰ ভাৰত ভূটান সীমান্তৰ ডাওৰাইঝাৰ গাওঁৰ চন্দ্ৰ স্বৰ্গীয়াৰীয়ে । ২০ চেপ্টেম্বৰ ২০১৯ত হাতী খেদিবলৈ গৈ বনৰীয়া হাতীৰ আক্ৰমণত গুৰুতৰভাৱে আহত হৈছিল লোকজন । আৰ্থিক অসুবিধাৰ বাবে উপযুক্ত চিকিৎসাৰ অভাৱত ব্যক্তিগৰাকী বিচনাতে দিন-ৰাতি একাকাৰ কৰি থাকিব লগীয়া হৈছে । কোনো মতে দিন হাজিৰা কৰি পৰিয়ালটো পোহপাল দি আছিল চন্দ্ৰই । কিন্তু তেঁও এতিয়া এনেদৰে বিছনাত পৰি থকাৰ ফলত পৰিয়ালটোত হাহাকাৰ সৃষ্টি হৈ পৰিছে ।
উপায়ন্তৰ হৈ এতিয়া চন্দ্ৰ স্বৰ্গীয়াৰীৰ পত্নীয়ে উপযুক্ত চিকিৎসা কৰাবৰ বাবে চৰকাৰৰ লগতে সদাশয় ৰাইজৰ পৰা আৰ্থিক সহায় বিচাৰিছে ৷ যাতে অসুস্থ স্বামীক উপযুক্ত চিকিৎসা কৰি পুনৰ সুস্থ কৰিব পাৰে । আনহাতে দুখৰ বিষয় যে, স্থানীয় বিধায়কৰ ওচৰলৈ গৈয়ো কোনো ধৰণৰ সহাৰি নোপোৱা বুলি জানিবলৈ দিয়ে ভুক্তভোগী পৰিয়ালটোৱে ।
