গোৰেশ্বৰত মহিলাৰ কল্যাণৰ বাবে দাদীমংগল পূজা

নাৰীসকলৰ কুশল কামনাৰে দ্বিতীয় বাৰ্ষিক দাদীমংগল অনুষ্ঠান আয়োজন কৰা হৈছে ৷

গোৰেশ্বৰ, 17মাৰ্চ : বাক্সা জিলাৰ গোৰেশ্বৰত থকা হনুমান মন্দিৰত শনিবাৰে অনুষ্ঠিত হয় দাদীমংগল পূজা ৷ অঞ্চলটোত থকা মাৰোৱাৰী সমাজৰ নাৰীসকলৰ কুশল কামনাৰে দ্বিতীয় বাৰ্ষিক দাদীমংগল অনুষ্ঠানৰ আয়োজন কৰে ।

গোৰেশ্বৰ দাদীমংগল আয়োজক সমিতিয়ে পুৱাৰে পৰা পূজা অৰ্চনা আৰু নাৰী সমাজৰ কুশলৰ মংগলৰ বাবে গীতা পাঠ কৰা হয় ।
গধূলি আৰতীৰ পিছত অনুষ্ঠানৰ সামৰণি পৰাবুলি আয়োজক সমিতিয়ে জানিবলৈ দিয়ে । উক্ত অনুষ্ঠানত গুৱাহাটী,মংগলদৈ,টংলা, সাৰুপেটিয়া, ৰঙিয়া, পাঠশালাৰ পৰা অগণন মহিলাই আহি অংশগ্ৰহণ কৰে ।