স্পৰ্টছ ডেস্ক, 25 জুনঃ ন'বাক জ'ক'ভিচৰ সংস্থাৰ দ্বাৰা আয়োজন কৰা আড্ৰিয়া ট্যুৰত বহু খেলুৱৈ কৰ'ণা পজিটিভ হোৱাৰ পাচতেই এই সন্দৰ্ভত প্ৰতিক্ৰিয়া প্ৰকাশ কৰিছে বিশ্বৰ প্ৰাক্তন শীৰ্ষ টেনিছ খেলুৱৈ এণ্ডি মাৰেয়ে ।
মাৰেয়ে স্বয়ং শেহতীয়াকৈ এখন চেৰেটি প্ৰতিযোগিতাৰ জৰিয়তে টেনিছ কৰ্টলৈ পুনৰ প্ৰত্যাৱৰ্তন কৰিছে । কিন্তু এই প্ৰতিযোগিতা কঠোৰ ভাৱে পালন কৰা হৈছিল সামাজিক দূৰত্বৰ নিয়মাৱলী ।
মাৰেয়ে নিজৰ মেচৰ অন্তত কয়, খেলুৱৈ সকলৰ পাৰ্টীৰ ফটো সমূহ চোৱাৰ পাচত ইয়াত কোনো আচৰিত হ'বলগীয়া কথা নাই যে, কিমান জন লোকক পজিটিভ পোৱা গৈছে । তাত সামাজিক দূৰত্ব মানি চলা হোৱা নাছিল ।
তেওঁ ইয়াৰ লগতে কয়, মই নাভাৱো যে, এইটো (আড্ৰিয়া ট্যুৰ) টেনিছৰ বাবে ফলপ্ৰসূ আছিল । কৰ'ণা ভাইৰাছে নাচাই আমি কোন হয়, কি কৰো । আমাক ইয়াৰ সন্মান আৰু নিয়মৰ সন্মান কৰাৰ অতিকৈ প্ৰয়োজন ।
এই টুৰ্ণামেণ্টৰ চাৰিগৰাকীকৈ খেলুৱৈক কৰ'ণা পজিটিভ পোৱা গৈছিল । তাৰে অন্যতম এজন হৈছে বৰ্তমানৰ বিশ্বৰ এক নম্বৰ খেলুৱৈ ন'ভাক জ'ক'ভিচ । আন তিনিখেলুৱৈ হৈছে-গ্ৰিগোৰ ডিমিট্ৰভ, ব'ৰ্ণা কোৰিক আৰু ভিক্টৰ ট্ৰ'ইকী । আনহাতে জ'ক'ভিচ আৰু ভিক্টৰৰ পত্নীৰ দেহতো কৰ'ণা ভাইৰাছৰ অৱস্থিতি ধৰা পৰিছে ।
ইয়াৰ পাচতেই এই প্ৰতিযোগিতাৰ আয়োজনক লৈ যথেষ্ট সমালোচনাৰ সন্মুখীন হ'বলগীয়া হৈছে জ'ক'ভিচ । এই অনাকাংক্ষিত ঘটনাৰ পাচতেই জ'ক'ভিচে এই প্ৰতিযোগিতা আয়োজনৰ বাবে ক্ষমা বিচাৰে । কিন্তু তেওঁৰ উদ্দেশ্য নিকা আছিল বুলি কয় খেলুৱৈগৰাকীয়ে ।
লগতে চাওকঃ বাণিজ্য শাখাত চতুৰ্থ স্থান গোলাঘাটৰ জ্ঞানদ্বীপ দুৱৰাৰ
