স্পৰ্টছ ডেস্ক, ৩ মে': COVID- ১৯ ৰ ভয়াৱহতাৰ প্ৰতি লক্ষ্য ৰাখিয়ে শনিবাৰে এক গুৰুত্বপূৰ্ণ সিদ্ধান্ত আন্তঃৰাষ্ট্ৰীয় টেবুল টেনিছ ফেডাৰেচনৰ । জুলাই মাহলৈকে আন্তঃৰাষ্ট্ৰীয় টেবুল টেনিছ ফেডাৰেচনৰ সকলো ধৰণৰ কাৰ্য-কলাপ, প্ৰতিযোগিতা আৰম্ভ নকৰাৰ সিদ্ধান্ত সংস্থাটোৰ । ইয়াৰ পূৰ্বতে আগষ্ট মাহত পুনৰ কাৰ্য পৰিচালনা কৰাৰ সিদ্ধান্ত গ্ৰহণ কৰিছিল আন্তঃৰাষ্ট্ৰীয় টেবুল টেনিছ ফেডাৰেচনে ।
শুকুৰবাৰে বিশ্ব টেবুল টেনিছ সংস্থাৰ কাৰ্যবাহী সমিতিৰ বৈঠকৰ পাচতেই এই গুৰুত্বপূৰ্ণ সিদ্ধান্তটো গ্ৰহণ কৰা হয় ।
উল্লেখ্য যে, ইয়াৰ পূৰ্বে আন্তঃৰাষ্ট্ৰীয় টেবুল টেনিছ ফেডাৰেচনে মুঠ ৯ খনকৈ প্ৰতিযোগিতা বাতিল কৰিবলগীয়া হৈছে । ইয়াৰ ভিতৰত দুখন হৈছে ৱৰ্ল্ড ট্যুৰ ইভেন্ট । অষ্ট্ৰেলিয়া অ'পেন, চাউথ কোৰিয়া অ'পেনও ইতিমধ্যে বাতিল কৰা হৈছে । শেহতীয়া পৰিস্থিতিৰ প্ৰতি লক্ষ্য ৰাখিয়ে জুলাই মাহলৈ সকলো ক্ৰীড়া কাৰ্য কলাপ বন্ধ ৰখাৰ সিদ্ধান্ত গ্ৰহণ কৰা হৈছে ।
